ᓱᓇᓂᑦ ᐃᓕᒍᓐᓇᖅᐱᑕ ᐅᓕᕕᔾᔪᐊᕐᓂᒥᓂᕐᒥᒃ?

ᒎᑎᐅᑉ ᐱᑕᖃᕈᓐᓃᖅᑎᓚᐅᖅᐸᐃᑦ ᐱᐅᙱᑦᑐᓕᔩᑦ ᑭᓯᐊᓂᓕ ᐃᓅᑎᓪᓗᓂᒋᑦ ᓄᐊᒃᑯᑦ ᐃᓚᖏᓪᓗ. ᒨᓯᓯᑦ ᓯᕗᓪᓖᑦ 7:11, 12, 23

ᓯᓚᓗᓚᐅᖅᐳᖅ 40-ᓂᒃ ᐅᓪᓗᓂᒃ ᐊᒻᒪᓗ 40-ᓂᒃ ᐅᓐᓄᐊᓂᒃ, ᑕᐃᒫᒃ ᓄᓇᕐᔪᐊᖅ ᐅᓕᕕᔾᔪᐊᖅᑕᐅᓚᐅᖅᐳᖅ ᐃᒪᕐᒧᑦ. ᐱᐅᙱᑦᑐᓕᔪᒥᓃᑦ ᐃᓄᐃᑦ ᐃᓘᓐᓇᑎᑦ ᑐᖁᓚᐅᖅᐳᑦ.

ᐊᐃᙱᓖᑦ ᐱᐅᙱᑦᑐᓕᓯᒪᔪᑦ ᑎᒥᒋᔭᒥᓂᒃ ᐊᓂᓚᐅᖅᐳᑦ ᐊᓂᕐᓂᕐᓗᖑᖔᖅᑐᑎᑦ.

ᑕᐃᒃᑯᐊ ᐅᒥᐊᕐᔪᐊᒦᑦᑐᒥᓃᑦ ᐃᓅᓚᐅᖅᑐᑦ. ᐅᕙᑦᓯᐊᕉᓕᖅᑎᓪᓗᒍ ᓄᐊ ᐃᓚᖏᓪᓗ ᑐᖁᓐᓂᕐᒥᔪᑦ, ᒎᑎᐅᑉ ᐆᒻᒪᖅᑎᒃᑲᓐᓂᕈᒫᖅᐸᖏᑦ ᐃᓅᓯᖃᕈᓐᓇᕐᓗᑎᑦ ᐃᓱᖃᙱᑦᑐᒥ.

ᒎᑎ ᓄᖑᑎᑦᓯᑲᓐᓂᕈᒫᖅᐳᖅ ᐱᐅᙱᑦᑐᓕᔨᓂᑦ ᐊᒻᒪᓗ ᐱᑦᓯᐊᐸᑦᑐᑦ ᐃᓅᓯᖃᖅᑎᓪᓗᓂᒋᑦ. ᒫᑎᐅᓯᐅᑉ ᐊᒡᓚᖏᑦ 24:37-39

ᓵᑖᓇᓯ ᐊᓂᕐᓂᕐᓗᐃᓪᓗ ᓱᓕ ᐃᓄᓐᓂ ᑕᒻᒪᖅᓴᐃᕙᑉᐳᑦ.

ᐅᓪᓗᒥᓗᑦᑕᐅᖅ, ᑕᐃᑦᓱᒪᓂᑎᑐᑦ ᓄᐊ ᐅᓪᓗᖏᓐᓂ, ᐊᒥᓱᒻᒪᕇᑦ ᐃᓄᐃᑦ ᒪᓕᒍᒪᙱᓚᑦ ᔨᐅᕙᐅᑉ ᓇᓪᓕᒍᓱᓐᓂᖓᒍᑦ ᐊᔪᕆᖅᓲᔾᔨᑦᓯᐊᕐᓂᖓᓂ. ᐊᑯᓂᐅᙱᑦᑐᖅ ᔨᐅᕙᐅᑉ ᐱᑕᖃᕈᓐᓃᖅᑎᓛᖅᐸᐃᑦ ᐃᓘᓐᓇᑎᑦ ᐱᐅᙱᑦᑐᓕᕙᑦᑐᑦ.​—ᐲᑦᑐᕉᓯᑦ ᐊᐃᑉᐸᖏᑦ 2:5, 6.

ᐃᓄᐃᑦ ᐃᓚᖏᑦ ᐃᓅᓯᖃᖅᐳᑦ ᓄᐊᑎᑐᑦ. ᓈᓚᓲᖑᕗᑦ ᒎᑎᒥ ᐊᒻᒪᓗ ᒪᓕᑦᑐᑎᑦ ᐅᖃᐅᓯᖏᓐᓂᑦ; ᐅᑯᐊᖑᕗᑦ ᔨᐅᕙᐅᑉ ᓇᓗᓇᐃᖅᓯᔨᖏᑦ.