ᐅᓕᕕᔾᔪᐊᕐᓂᖅ​—ᑭᒃᑯᑦ ᓈᓚᓚᐅᖅᐸᑦ? ᑭᒃᑯᑦ ᓈᓚᓚᐅᙱᓚᑦ?

ᓄᐊᑉ ᐅᓪᓗᖏᓐᓂ ᐊᒥᓱᐃᑦ ᐃᓄᐃᑦ ᐱᐅᙱᑦᑐᓕᓚᐅᖅᐳᑦ. ᒨᓯᓯᑦ ᓯᕗᓪᓖᑦ 6:5

ᐋᑕᒥ ᐄᕕᓗ ᕿᑐᕐᖓᖃᓚᐅᖅᐴᒃ ᐊᒻᒪᓗ ᐃᓄᐃᑦ ᐊᒥᓲᓕᕐᓗᑎᑦ ᓄᓇᕐᔪᐊᕐᒥ. ᐅᕙᑦᓯᐊᕉᓕᕐᒪᑦ, ᐃᓚᖏᑦ ᐊᐃᙱᓖᑦ ᒪᓕᓯᓚᐅᖅᐳᑦ ᓵᑖᓇᓯᐅᑉ ᐊᑭᕋᖅᑐᕐᓂᖓᓂ.

ᑖᒃᑯᐊᓗ ᓄᓇᒨᓚᐅᖅᐳᑦ ᐊᒻᒪᓗ ᐃᓄᑦᑎᑐᑦ ᑎᒥᖃᓕᕐᓗᑎᑦ ᓄᓕᐊᓂᒍᒪᒧᑦ ᐊᕐᓇᓂᒃ. ᐊᕐᓇᐃᓪᓗ ᐃᕐᓂᑖᖅᐳᑦ ᐊᖏᔪᐊᓗᓐᓂᑦ ᓴᙱᓂᓕᔾᔪᐊᕐᓂ ᑲᑉᐱᐊᓇᒻᒪᕆᑦᑐᑎᑦ ᓴᙱᔫᓪᓗᑎᓪᓗ ᑎᒥᒥᒍᑦ.

ᓄᓇᕐᔪᐊᕐᒥᓗ ᐊᒥᓲᓕᖅᐳᐃᑦ ᐃᓄᐃᑦ ᐱᐅᙱᑐᒻᒪᕆᓐᓂᒃ ᐊᑐᖃᑦᑕᖅᑐᑦ. ᐊᒡᓚᐃᑦ ᐅᖃᖅᓯᒪᕗᑦ ᐃᒫᒃ: “ᓄᓇᕐᔪᐊᕐᒥᐅᑦ ᐃᓄᖏᑕ ᐱᐅᙱᑦᑐᓕᓗᐊᓕᕐᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᓂᒃ ᐱᐅᙱᑦᑐᓂᒃ ᐃᓱᒪᑐᐊᖃᓕᕐᓂᖏᓐᓂᒃ.”

ᓄᐊ ᓈᓚᓚᐅᖅᐳᖅ ᒎᑎᒥ ᐊᒻᒪᓗ ᐅᒥᐊᕐᔪᐊᕐᒥᒃ ᓴᓇᓪᓗᓂ. ᒨᓯᓯᑦ ᓯᕗᓪᓖᑦ 6:13, 14, 18, 19, 22

ᓄᐊ ᐃᓄᑦᓯᐊᕙᐅᓐᓂᖅᐳᖅ. ᔨᐅᕙᐅᑉ ᓄᐊ ᐅᖃᐅᑎᓚᐅᖅᐹ ᓱᕋᑦᑎᓂᐊᕐᒪᒋᑦ ᐃᓄᐃᑦ ᐱᐅᙱᑦᑑᓗᐊᕐᒪᑕ ᐊᑐᕐᓗᓂ ᐅᓕᕕᔾᔪᐊᓂᕐᒥᒃ.

ᒎᑎᐅᑉ ᐅᖃᐅᑎᕚ ᓄᐊ ᓴᓇᖁᓪᓗᒍ ᐅᒥᐊᕐᔪᐊᒥᒃ ᐊᒻᒪᓗ ᐃᑭᖁᓪᓗᒋᑦ ᐃᓚᒋᔭᖏᑦ ᓱᓕᓗᑦᑕᐅᖅ ᐆᒪᔪᐃᑦ ᖃᓄᐃᑦᑐᑐᐃᓐᓇᓕᒫᑦ ᐃᑭᓗᑎᓪᓗ.

ᓄᐊ ᐅᖃᐅᑎᖃᑦᑕᓚᐅᖅᐸᐃᑦ ᐃᓄᐃᑦ ᐅᓕᕕᔾᔪᐊᕐᓂᖃᓛᕐᒪᑦ ᑭᓯᐊᓂᓕ ᓈᓚᓚᐅᙱᓚᑦ. ᐃᓚᖏᑦ ᐃᓪᓚᐅᑎᖃᓚᐅᖅᐳᑦ ᓄᐊᒥᒃ; ᐊᓯᖏᓐᓄᓪᓗ ᖀᒥᒋᔭᐅᓚᐅᖅᐳᖅ.

ᐅᒥᐊᕐᔪᐊᖅ ᐱᔭᕇᕐᒪᑦ, ᓄᐊ ᐃᑭᑎᓚᐅᖅᐸᐃᑦ ᐆᒪᔪᐃᑦ ᐃᓗᐊᓄᑦ.