ᖃᓄᐃᑦᑑᓂᖅᑲ ᐃᓅᓯᖃᖅᑐᓂ ᖁᕕᐊᓇᖅᑐᕕᒻᒥ?

ᔨᐅᕙ ᑐᓂᓯᓚᐅᖅᐳᖅ ᐋᑕᒥᒧᑦ ᐄᕕᒧᓪᓗ ᐊᒥᓱᒻᒪᕆᓐᓂᑦ ᐱᐅᔪᒻᒪᕆᓐᓂᒃ ᑭᓱᑐᐃᓇᕐᓂᑦ. ᒨᓯᓯᑦ ᓯᕗᓪᓖᑦ 1:28

ᔨᐅᕙ ᓴᓇᓚᐅᖅᐳᖅ ᐊᕐᓇᒥᒃ ᓯᕗᓪᓕᖅᐹᖑᓪᓗᓂ, ᐄᕕᒥ, ᐊᒻᒪᓗ ᑐᓂᓪᓗᒍ ᐋᑕᒥᒧᑦ ᓄᓕᐊᕆᓕᕐᓗᒍᓗ.​—ᒨᓯᓯᑦ ᓯᕗᓪᓖᑦ 2:21, 22.

ᔨᐅᕙ ᐱᙳᖅᑎᓚᐅᖅᐸᐃᑦ ᐃᓱᒪᖃᖅᑎᑦᓯᐊᖅᑐᒋᒃ ᑎᒥᖏᓪᓗ ᓈᒻᒪᓯᐊᖅᑐᑎᒃ, ᐱᐅᙱᓐᓂᖃᕋᑎᓪᓗ.

ᐊᖏᕐᕋᖃᓚᐅᖅᑑᒃ ᖁᕕᐊᓇᖅᑐᕕᒻᒥ ᐱᕈᖅᓰᕕᐅᓪᓗᓂ ᐊᑎᖃᖅᑐᒥᒃ ᐄᑕᓂᒥ—ᐱᐅᔪᐹᓘᓪᓗᓂᓗ ᑰᖃᖅᑐᓂ, ᓇᐹᖅᑐᐃᓪᓗ ᐸᐅᕐᖓᖃᖅᑐᑎᑦ, ᐆᒪᔪᖃᖅᑐᓂᓗ.

ᔨᐅᕙᐅᑉ ᐅᖃᓕᒪᕕᒋᖃᑦᑕᓚᐅᖅᐸᐃᑦ ᐊᔪᕆᖅᓱᖅᐸᑦᑐᓂᒋᓪᓗ. ᓈᓚᖃᑦᑕᓚᐅᖅᐸᑎᒃ ᐃᓅᓯᖃᕈᓐᓇᕐᓂᖅᐴᒃ ᐃᓱᖃᙱᑦᑐᒥᒃ ᖁᕕᐊᓇᖅᑐᕕᒻᒥ ᓄᓇᕐᔪᐊᒥ.

ᒎᑎ ᐅᖃᓚᐅᖅᑐᖅ ᓇᐹᖅᑐᐃᑦ ᐃᓚᖓᓂᒃ ᓂᕆᕕᖃᖁᔨᒐᓂ. ᒨᓯᓯᑦ ᓯᕗᓪᓖᑦ 2:16, 17

ᔨᐅᕙ ᑕᑯᑎᓚᐅᖅᐹᒃ ᐋᑕᒥ ᐄᕕᓗ ᓇᐹᖅᑐᒥᒃ ᐸᐅᕐᖓᖃᓲᖑᔪᒥᒃ ᐱᕈᖅᓰᕕᒻᒦᑦᑐᒥᒃ ᐅᖃᐅᑎᓗᓂᒋᓪᓗ ᓂᕆᑉᐸᑎᒃ ᐸᐅᕐᖓᖏᓐᓂᑦ, ᑐᖁᔪᒫᖅᐴᒃ.

ᐊᐃᙱᓕᒃ ᐊᑭᕋᖅᑐᖅᑐᒥᓂᖅ ᒎᑎᒥᒃ. ᑖᓐᓇᓗ ᐱᐅᙱᑦᑐᓕᔪᒥᓂᖅ ᐊᐃᙱᓕ ᓵᑖᓇᓯ ᐆᒃᑐᕐᓗᑦᑎᒃ.

ᓵᑖᓇᓯᓗ ᐋᑕᒥᒥᒃ ᐄᕕᒥᓪᓗ ᓈᓚᖁᔨᓚᐅᙱᓚᖅ ᔨᐅᕙᒥᒃ. ᐊᑐᖅᑐᓂ ᖁᓪᓗᕆᐊᒥᒃ ᐅᖃᐅᑎᕚ ᐄᕕ ᓂᕆᒍᓂ ᐸᐅᕐᖓᒥᒃ ᓇᐹᖅᑐᒦᙶᖅᑐᒥᒃ, ᑐᖁᒐᔭᙱᒻᒪᑦ, ᑭᓯᐊᓂᓕ ᒎᑎᐅᔮᓕᕋᔭᖅᐳᖅ. ᐅᐱᓐᓇᕋᓂ ᑭᓯᐊᓂ ᑖᓐᓇ ᓴᓪᓗᓂᐅᕗᖅ.​—ᒨᓯᓯᑦ ᓯᕗᓪᓖᑦ 3:1-5.