ᑐᓵᖔᖅᓯᒪᔪᒥᓃᑦ ᓵᑖᓇᓯᒥᒃ​—ᖃᓄᐃᖔᓕᓚᐅᖅᐸᑦ?

ᐋᑕᒥ ᐄᕕᓗ ᓈᓚᓚᐅᙱᒻᒪᑎᒃ ᒎᑎᒥ, ᑕᐃᒪᐃᒻᒪᑦ ᑐᖁᓚᐅᖅᐴᒃ. ᒨᓯᓯᑦ ᓯᕗᓪᓖᑦ 3:6, 23

ᐄᕕ ᑐᓵᓚᐅᖅᐳᖅ ᖁᓪᓗᕆᐊᒥᒃ ᓂᕆᓕᕐᓗᓂᓗ ᐸᐅᕐᖓᒥ. ᐅᕙᑦᓯᐊᕉᓕᖅᑎᓪᓗᒍ, ᐄᕕ ᑐᓂᓯᓚᐅᖅᐳᖅ ᐋᑕᒥᒧᑦ, ᓂᕆᓕᕐᓗᓂᓗ.

ᐱᓂᐊᕐᓂᖏᑦ ᐱᐅᓚᐅᙱᓚᑦ​—ᑖᓐᓇᓗ ᐊᔪᖅᑐᓕᓂᐅᕗᖅ. ᑕᐃᒪᐃᒻᒪᑦ ᒎᑎᐅᑉ ᐱᕈᖅᓰᕕᒻᒥ ᐊᓂᑎᓚᐅᖅᐹᒃ.

ᕿᑐᕐᖓᖏᓐᓄᓪᓗ ᐃᓚᒌᓄᓪᓗ ᐃᓅᓯᖏᑦ ᐊᑦᓱᕈᕐᓇᒻᒪᕆᓚᐅᖅᑐᖅ. ᐃᓄᑐᖃᕈᖅᑐᑎᑦ ᑐᖁᓪᓗᑎᓪᓗ. ᐊᓂᕐᓂᖏᑦ ᕿᓚᒻᒨᓚᐅᙱᓚᑦ; ᐃᓅᓯᖃᕈᓐᓃᑐᐃᓐᓇᓚᐅᖅᐳᑦ.

ᑐᖁᖓᔪᐃᑦ ᐃᓅᓯᖃᙱᓚᑦ ᑕᐃᒫᑦᑕᐅᖅ ᐃᔾᔪᖅᑎᑑᔮᖅᐳᑦ. ᒨᓯᓯᑦ ᓯᕗᓪᓖᑦ 3:19

ᑕᐃᒪᐃᒻᒪᑦ ᑐᖁᓲᖑᕗᒍᑦ ᐋᑕᒥᒦᙶᖅᓯᒪᒐᑦᑕ ᐄᕕᒥᓗ. ᑐᖁᖓᔪᐃᑦ ᑕᑯᒍᓐᓇᙱᓚᑦ ᑐᓵᒍᓐᓇᕋᑎᓪᓗ ᖃᓄᐃᓕᐅᕈᓐᓇᕋᑎᓪᓗ.​—ᐃᓕᓯᒪᓃᑦ ᐃᒃᓖᓯᐊᓯᑏᔅ 9:5, 10.

ᔨᐅᕙ ᑕᐃᒪᐃᖁᓐᓂᙱᑕᕋᓗᐊᖏᑦ ᐃᓄᐃᑦ ᑐᖁᖃᑦᑕᕐᓗᑎᑦ. ᒫᓐᓇᕈᓗᒃ ᐆᒻᒪᖅᑎᒍᒫᐸᖏᑦ ᓯᓂᑦᑐᑦ ᑐᖁᖓᔪᐃᑦ. ᓈᓚᑦᓯᐊᖅᐸᑎᓪᓗ, ᐃᓅᓯᖃᕈᓐᓇᖅᐳᑦ ᐃᓱᖃᙱᑦᑐᒥ.