ᑭᓲᕙᓪᓕ ᑭᐅᓯᔾᔪᓰᑦ ᐃᓚᒌᑦ ᖁᕕᐊᓱᓐᓂᐅᔪᓐᓇᖅᑐᓄᑦ?

ᐊᒡᓚᓂᑦ ᐅᖃᖅᑐᖅ ᐃᒫᒃ

“ᖁᕕᐊᓱᒍᑎᒃᓴᖃᖔᖅᐳᓪᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᖅᑐᑦ ᒪᓕᑦᓯᐊᖅᑐᓪᓗ!”​—ᓘᑲᓯᐅᑉ ᐊᒡᓚᖏᑦ 11:28, EAIB.

ᑕᒪᓐᓇ ᐃᓕᓐᓄᑦ ᖃᓄᖅ ᑐᑭᖃᕋᔭᕐᒪᖔᖅ

ᓇᐃᐱᑦᓯᓂᖅ ᓱᓕᔪᒥᒃ ᓇᒡᓕᒍᓱᓐᓂᕐᒥᒃ.​—ᐃᐱᓯᒥᐅᓄᑦ 5:28, 29.

ᖁᕕᐊᓱᓐᓂᖃᕐᓂᖅ ᓱᓕᔪᒥᒃ ᐅᑉᐱᒍᓱᓐᓂᕐᒥᒃ.​—ᐃᐱᓯᒥᐅᓄᑦ 5:33.

ᐃᓱᒫᓘᑎᖃᙱᓪᓗᑎᓪᓗ.​—ᒫᑯᓯᐅᑉ ᐊᒡᓚᖏᑦ 10:6-9.

ᓱᓕᔪᕆᒍᓐᓇᖅᐸᕘᑦ ᐊᒡᓚᐃᑦ ᐅᖃᖅᓯᒪᓂᖏᑦ?

ᐄ, ᑕᕝᕙᐅᕘᒃ ᒪᕐᕉᒃ ᐱᔾᔪᑎᑦᓵᒃ:

• ᒎᑎ ᐱᓐᖑᑎᑦᓯᔨᐅᒻᒪᑦ ᐃᓚᒌᑦᑐᐃᑦ ᐃᓅᓯᖏᓐᓂᑦ. ᐊᒡᓚᐃᑦ ᐅᖃᖅᐳᑦ “ᐃᓚᒌᒃᑐᓂᒃ ᑕᐃᔭᐅᔪᓕᒫᑦ . . . ᐊᑎᖃᕈᓐᓇᖅᓯᕕᒋᔭᖓᓐᓄᑦ” ᔨᐅᕙ ᒎᑎᒧᑦ. (ᐃᐱᓯᒥᐅᓄᑦ 3:14, 15) ᑕᐃᒪᐃᒻᒪᑦ, ᐃᓚᒌᑦᑐᓕᒫᑦ ᐃᓅᓯᖃᖅᐳᑦ ᔨᐅᕙ ᒎᑎᐅᑉ ᐱᓐᖑᖅᑎᓯᒪᒻᒪᒋᑦ. ᓱᒐᒥᓕ ᐱᒻᒪᕆᐅᕙ ᖃᐅᔨᒪᒋᐊᖃᕐᓂᕗᑦ?

  ᐃᓱᒪᓇᖅᑐᖅ: ᓂᕆᒍᕕᑦ ᒪᒪᖅᓴᖅᑐᒻᒪᕆᐅᓗᑎᑦ ᓂᕆᔭᓐᓂᑦ ᖃᐅᔨᔪᒪᒍᕕᑦ ᑭᓲᒻᒪᖔᑕ ᒪᒪᕈᑎᖏᓐᓂᑦ, ᑭᓇᒧᓪᓕ ᐊᐱᕆᒐᔭᖅᐱᑦ? ᓇᓗᓇᙱᓚᖅ, ᑖᓐᓇ ᐃᓄᒃ ᓂᕿᓕᐅᖅᑐᒥᓂᖅ ᐊᐱᕆᒐᔭᖅᐸᐃᑦ.

  ᑕᐃᒫᒃᑕᐅᖅ, ᖃᐅᔨᒍᒪᒍᕕᑦ ᓇᐃᐱᒃᓯᓂᕐᒥᒃ ᐃᓚᒌᑦᑐ ᖁᕕᐊᓱᖃᑎᒌᒍᓐᓇᐅᑎᖏᓐᓂ, ᑭᓲᒻᒪᖔᑕ ᓵᒃᑐᒃᓴᐅᕗᒍᑦ ᔨᐅᕙᒧᑦ, ᐱᓐᖑᖅᑎᑦᓯᔨᐅᒪᑦ ᐃᓚᒌᑐᓕᒫᓂᑦ ᐋᖅᑭᓱᖅᓯᒪᓂᖏᓐᓂ.​—ᒨᓯᓯᑦ ᓯᕗᓪᓖᑦ 2:18-24.

• ᒎᑎ ᐃᑉᐱᒍᓱᑦᓯᐊᕈᒪᓂᖃᕐᖓᑦ ᐃᓕᓐᓂ. ᐃᓚᒌᑐᑦ ᓯᓚᑐᓂᖃᖅᐳᑦ ᖃᐅᔨᒐᓱᐊᓂᕐᒥᒃ ᔨᐅᕙᑉ ᐅᖃᐅᔾᔫᓯᐊᖏᓐᓂᑦ, ᑐᓂᓯᓯᒪᕗᒃ ᐅᖃᐅᓯᖏᓐᓂᑦ ᐊᒡᓚᓃᑦᑐᓂᑦ. ᓱᒐᒥᓕᑭᐊᖅ? “ᑖᑦᓱᒪ ᐃᒃᐱᒋᑦᓯᐊᕐᖕᒪᓯ.” (ᐲᑦᑐᕉᓯᑦ ᓯᕗᓪᓖᑦ 5:6, 7) ᔨᐅᕙ ᐃᑉᐱᒍᓱᑦᑐᒻᒪᕆᐅᕗᒃ ᐆᒻᒪᑎᒥᒍᑦ—ᐊᒻᒪᓗ ᐅᖃᐅᔾᔪᐃᓂᖏᑦ ᐊᑑᑎᖃᕐᓇᒻᒪᕆᑉᐳᐃᑦ! —ᓲᓗᒨᓂᐅᑉ ᐅᖃᓪᓚᖕᓂᖏᑦ 3:5, 6; ᐊᐃᓴᐃᐊᓯᐅᑉ ᐊᒡᓚᖏᑦ 48:17, 18.