ᐊᑦᓱᕈᕐᓂᖅ ᐃᓱᓕᓂᖃᕈᒫᖅᐸ?

ᐊᒡᓚᓂᑦ ᐅᖃᖅᑐᖅ ᐃᒫᒃ

“ᒎᑎ . . . ᖁᕝᕕᐅᕐᓂᓕᒫᖏᑦ ᐊᓪᓚᖅᑎᕐᓂᐊᖅᐸᐃᑦ ᐃᔨᖏᓐᓂᑦ, ᑐᖁᖃᑦᑕᕐᓂᐊᕈᓐᓃᖅᐳᑦ, ᕿᑦᓵᑦᑐᖃᕈᓐᓃᕐᓗᓂ ᕿᐊᔪᖃᕐᓂᐊᕈᓐᓃᖅᐳᖅ, ᐋᓐᓂᐊᔪᖃᕐᓂᐊᕈᓐᓃᕐᓗᓂᓗ.”​—ᔪᐊᓇᓯᐅᑉ ᑕᑯᑎᑕᐅᓂᖏᑦ 21:3, 4, EAIB.

ᑕᒪᓐᓇ ᐃᓕᓐᓄᑦ ᖃᓄᖅ ᑐᑭᖃᕋᔭᕐᒪᖔᖅ

ᖃᐅᔨᒪᓇᓪᓚᕆᑦᑐᖅ ᒎᑎ ᐊᑦᓱᕈᕐᓂᐅᔪᓂᑦ ᐱᒃᑲᐃᖃᑦᑕᖏᒻᒪᑦ.​—ᔭᐃᒥᓯᐅᑉ ᐊᒡᓚᖏᑦ 1:13.

ᐊᑲᐅᑦᓯᐊᕐᓂᐅᕗᖅ ᖃᐅᔨᒪᓂᕐᒥᒃ ᒎᑎ ᐃᑉᐱᓐᓂᐊᓂᖃᕐᖓᑦ ᐅᕙᑦᑎᓐᓄᑦ ᐊᑦᓱᕈᓕᕋᐃᒐᑦᑕ.​—ᔭᑲᕋᐃᐊᐅᑉ ᐊᒡᓚᖏᑦ 2:8.

ᓂᕆᐅᓐᓂᖃᕐᓂᖅ ᐊᑦᓱᕈᕐᓂᖅ ᐃᓱᓕᓂᖃᕐᒪᑦ.​—ᐃᙱᕈᑎᑦ 37:9-11.

ᓱᓕᔪᕆᒍᓐᓇᖅᐸᕘᑦ ᐊᒡᓚᐃᑦ ᐅᖃᖅᓯᒪᓂᖏᑦ?

ᐄ, ᑕᕝᕙᐅᕘᒃ ᒪᕐᕉᒃ ᐱᔾᔪᑎᑦᓵᒃ:

• ᒎᑎ ᐊᑭᕋᖅᑐᖅᐳᖅ ᐊᑦᓱᕈᕐᓂᕐᒥᒃ ᓈᒻᒪᙱᓐᓂᕐᒥᓪᓗ. ᐃᓱᒪᒋᒍᒃ ᖃᓄᖅ ᔨᐅᕙ ᒎᑎ ᐃᑉᐱᒋᔭᖃᕐᓂᕐᒪᖔᖅ ᐃᓄᖏᑦ ᓯᕗᓪᓕᒥᓃᑦ ᐱᑦᓯᐊᖅᑕᐅᓯᒪᙱᓐᓂᖏᓐᓂ. ᐊᒡᓚᓂ ᐅᖃᖅᓯᒪᕗᖅ ᖁᕕᐊᓱᖏᔾᔪᑎᖃᓚᐅᕐᒪᑦ “ᐊᑦᓱᕈᖅᑎᑕᐅᓂᕐᒥᓐᓂᓪᓗ” ᐱᓪᓗᒋᑦ.​—ᐃᓱᐊᖅᓴᐃᔩᑦ ᐊᒡᓚᖏᑦ 2:18.

  ᒎᑎᐅᑉ ᐃᑉᐱᓐᓂᐊᓂᖓ ᓴᙱᔪᒻᒪᕆᐅᕗᖅ ᑕᐃᒃᑯᓄᖓ ᐋᓐᓂᖅᓯᔪᓄᑦ ᐊᓯᒥᓂᑦ. ᓲᕐᓗ, ᐊᒡᓚᐃᑦ ᐅᖃᕐᖓᑕ “ᐊᒡᒐᐃᓪᓗ ᐸᓯᔭᑦᓴᐅᖏᑦᑐᒥᒃ ᐃᓄᐊᖅᑐᑦ” ᓇᕐᕈᒋᕙᐃᑦ.​—ᓲᓗᒨᓂᐅᑉ ᐅᖃᓪᓚᖕᓂᖏᑦ 6:16, 17.

• ᒎᑎᐅᑉ ᐃᑉᐱᒋᑦᓯᐊᕈᒪᒻᒫᑎᒍᑦ ᐊᑐᓂ. “ᐅᖁᒪᐃᑦᓴᐅᑎᒥᓐᓂᒃ ᐊᑐᓂᑦ ᖃᐅᔨᒪᒻᒪᑕ, ᓇᒻᒥᓂᕐᓗ ᕿᑦᓴᐅᑎᒋᔭᒥᓐᓂᒃ,” ᔨᐅᕙ ᖃᐅᔨᒪᒻᒥᔪᖅᑕᐅᖅ!​—ᑯᕉᓂᑲᑦ ᐊᐃᑉᐸᖏᑦ 6:29, 30.

  ᐊᑕᓂᐅᕕᖓᒍᑦ, ᔨᐅᕙ ᑭᓇᓕᒫᑉ ᐊᑦᓱᕈᕐᓂᕆᔭᖓᓂ ᐃᓱᓕᑎᑦᓯᔪᒫᖅᑐᖅ. (ᒫᑎᐅᓯᐅᑉ ᐊᒡᓚᖏᑦ 6:9, 10) ᒫᓐᓇᐅᔪᕐᓕ, ᓂᑲᒍᓱᑦᑐᓂ ᐃᑉᐱᒍᓱᑦᓯᐊᖅᐸᑦᑐᖅ ᑕᐃᒃᑯᓂᖓ ᕿᓂᖅᐸᑦᑐᓂᒃ.​—ᐋᐴᓯᑕᓖᑦ ᐱᓂᐊᕐᖕᓂᖏᑦ 17:27; ᑯᕆᓐᑎᐊᒥᐅᓄᑦ ᐊᐃᑉᐸᖏᑦ 1:3, 4.