Xatij Komam Jahaw huneʼ kʼayilal yibʼanh anma kaw txʼoj

18 Xpohchakanh yuninal naj Adán. Yajaʼ xakojsbʼa hebʼnaj yinh kaw stxʼojal. Yuxin xul huneʼ kʼayilal yu Komam Jahaw yibʼanh hebʼnaj (Génesis 6:1, 5, 7).

19 Yajaʼ ay huneʼ naj winaj kaw kʼul, Noé sbʼih naj, xakoj naj yanma yinh skʼulal (Génesis 6:8, 9).

Komam Jehová xalni tet naj ta swatxʼe naj huneʼ hukubʼ kaw nimejal, haxinhwal xhkolcha naj bʼoj yet yaman nhahil, yet chuluj kʼayilal yibʼanh anma txʼoj. Huneʼ hukubʼ tiʼ, etza lahan bʼoj huneʼ kahon kaw nimej. Arka xakoj naj sbʼihoj (Génesis 6:13, 14).

20 Kaw txʼihal sbʼey hej noʼ noqʼ xʼoktoj yul arka yu hebʼyaʼ (Génesis 6:19-21).

21 Xʼay huneʼ nimej nhabʼ yu Komam Jehová. Sunil anma txʼoj xkami. Wal anma ay yul arka xin, xkolchayi. ¿Ha wohtajmi tzet yu? (Génesis 6:17; 7:11, 12, 21; 1 Pedro 3:10-12).