¿Mak yuxin ayonh sat yibʼanh qʼinal?

1 Komam Jahaw xwatxʼen satkanh bʼoj Txʼotxʼ txʼotxʼ (Génesis 1:1).

2 Komam Jahaw tiʼ, ay sbʼih Yaʼ, Jehová sbʼih Yaʼ (Salmo 83:18).

Komam Jehová, yul syelo ay Komam. Espíritu Yaʼ. Mach chu jilni Yaʼ (Isaías 66:1; Juan 1:18; 4:24).

3 Komam Jehová xwatxʼen sunil hebʼyaʼ ángeles ay yul syelo. Espíritu pax hebʼyaʼ. Yet-tax huneʼ qʼinale tuʼ sunil hebʼyaʼ kʼul. Yet payxa tuʼ, schalo syeni sbʼa hebʼyaʼ tet anma hakaʼ jilot hayonh tiʼ yunhe chu yil-lax hebʼyaʼ (Hebreos 1:7).

4 Komam Jehová, bʼabʼel swatxʼe Yaʼ noʼ noqʼ sataj naj winaj (Génesis 1:25).

5 Komam Jehová, swatxʼe Yaʼ huneʼ naj winaj Adán sbʼih, bʼoj yixal naj, Eva sbʼih (Génesis 1:27).

Xʼalaxkanoj hebʼyaʼ yul huneʼ paraíso yu Komam Jahaw. Hunchʼannhe yixal naj Adán yu Komam. Hunchʼannhe yixal naj winaj bʼay xhkankanoj (Génesis 2:8, 21, 22, 24).

6 Naj winaj, alma naj (Génesis 2:7).

7 Noʼ noqʼ,alma noʼ (Génesis 1:24).