¿Tzet yuxin xhkam anma?

8 Komam Jehová, xoche Yaʼ ta naj winaj, skʼulchʼannhe naj sunil Txʼotxʼ txʼotxʼ . . . yinh huneʼ paraíso, yu stzalabʼal skʼul anma (Génesis 1:28).

Sunil anma tiʼ, machmi chʼeqʼ yinh naj kamikal ta xyijye naj Adán bʼoj ix Eva tzet xal Komam Jahaw tet. Xal-laxi ta mach chu sloni hebʼyaʼ sat huneʼ te teʼ yechelal stzʼajbʼanil skʼul anma yinh naj skʼulal bʼoj naj stxʼojal (Génesis 2:15-17).

9 Huneʼ naj ángel xakojsbʼa naj yinh stxʼojal. Lawituʼ xakoj naj huneʼ noʼ labʼa sataj ix Eva bʼoj naj Adán, yunhebʼal mach syijye hebʼyaʼ schejabʼ Komam Jahaw (Génesis 3:1-6).

10 ʼBʼabʼel labʼa, bʼoj Diablo, bʼoj Satanásʼ sbʼih naj ángel subʼnhen ix Eva (Revelación 12:9).

11 Stzumbʼelax hebʼyaʼ bʼabʼel anma sat paraíso yu Komam Jehová, haxkam mach syijye hebʼyaʼ schejbʼanil Komam (Génesis 3:23, 24).

12 Naj Adán bʼoj ix Eva xpohilo yuninal hebʼyaʼ, yajaʼ mach chil huneʼ yaman nhahil tiʼ skʼulchʼanil (Génesis 3:17, 18).

13 Hakaʼ xal Komam Jehová, masan chʼichambʼoj hebʼyaʼ, katxin skamoj hebʼyaʼ (Génesis 3:19; Romanos 5:12).

14 Yuxin xkam hebʼyaʼ hakaʼ chu scam pax noʼ noqʼ.

Sunil alma ay sat Txʼotxʼ txʼotxʼ, xhkami (Eclesiastés 3:18-20; Ezequiel 18:4).