Tzet sbʼey kokuynuj hunun lección yunhe kʼul chuh kokuywi
Kuy huneʼ teʼ hum tiʼ bʼoj hunuj yaʼ testigo de Jehová. Chuh haqʼanni hunuj hakuyum yinh teʼ Biblia tet mak xʼaʼni huneʼ teʼ folleto tiʼ ta wet mato xin yinh Internet chaqʼana, jw.org.
BʼABʼEL MAJAN
Kuy sunil hej párrafo. Xtxolil yeyoj hej qʼambʼebʼal (A) yokxin hej versículo yet teʼ Biblia kʼej yeyoj (B) haʼ xhyeni bʼay tet kaw ay syilalil. Chawilaʼkʼanabʼi, ay hej versículo bʼay chaliyoj ta chakuyuʼ.
SKABʼ MAJAN
Bʼabʼel párrafo bʼay chalayoj «Jilaʼ yaqʼbʼilxa» haʼ xhtihnojiloj kuybʼanile xhto kuylaxoj (C). Hej subtítulo haʼ xhyeni bʼay tet kaw ay syilalil (D). Chakuyuʼ hej sversículohal teʼ Biblia, chawahaʼ spaj hej qʼambʼebʼal kat hawilnoj hej video (E).
Il hej echele yinh kʼul kat hawilni stzʼibʼal (F), kat hawanitoj hanabʼal yinh tzet chuh hawaʼnoj spaj bʼay chalayoj «Ta ay mak chʼalni ta wet» (G).
SYOX MAJAN
Hunun lección xhtanhkʼo yinh «Tzet xkokuyu» bʼoj yinh «Kokayeʼnheʼ» (H). Chawahaʼyoj fecha bʼaqʼinh xach tanhkʼo hakuyni hunun lección. Yinh bʼay chalkoj «Uh qʼahan tiʼ la» chaʼ bʼinahoj tzet wal hawuni yunhebʼal huneʼ kuyum yinh teʼ Biblia tiʼ ay skʼulal chitij ta wet (I). Yinh bʼay chalkoj «Kam ohtajnhe yaqʼbʼilxa» xhchalohoj yaqʼbʼilxa hum bʼoj hej video kaw kʼul ta wet (J).
Tzet chuh schaloh sversículohal teʼ Biblia juh
Yinh hej versículo aykoj bʼet tuʼ aykoj sbʼih slibrohal teʼ Biblia (A), capítulo (B), bʼoj xin versículo mato hej versículo (C). Hakaʼna, Juan 17:3 chaliloj «libro yet Juan, capítulo 17, versículo 3».