¿Bʼaqʼinh xhwatxʼojiloj sat txʼotxʼ txʼotxʼ?

Hej syaʼtajil xhjil tinanh xhyeniltoj ta Reino kawilxa yetij (Lucas 21:10, 11; 2 Timoteo 3:1-5)

Txʼihal xtxʼojal xhjil tinanh payxa albʼilkanoj yuh teʼ Biblia. Yalnaj teʼ ta uninale mach yijyomoj chuteʼ sbʼah tet smam smiʼ, ta kaw xtxʼojalxanhetikʼa chubʼ anma, ta kaw chocheʼ chʼen melyuh bʼoj chubʼ haxanhe tzet chocheʼ snimanil.

Yalnipaxkanoj teʼ ta chuhuj nimejtaj chixkabʼ, hej howal, nhohchalal bʼoj txʼihal yabʼil. Haʼ xin lanhan jilni tinanh.

Yaʼ Jesús yal yaʼ ta abʼix kʼul yibʼanhiloj Reino yet Komam Dios xhpujbʼalaxoj sunil sat txʼotxʼ txʼotxʼ (Mateo 24:14).

Huneʼ Reino yet Komam Dios xhtanhtzenojiloj sunil xtxʼojal (2 Pedro 3:13)

Kawilxanhe yetij bʼay stanhtzeʼloj yaʼ Jehová sunil anma txʼoj.

Xhtanhojiloj naj Matzwalil bʼoj hebʼ naj demonio.

Anma chiyijyenoj tzet chal Komam Dios chʼehojkʼoj sat yibʼanh qʼinal bʼay ay ochebʼahil, aqʼankʼulal bʼoj stoholal. Matxa mak chixiwoj tet hunun.