MAJAN 10
¿Tzet chubʼ xtxahyenoj Komam Dios maktaj chʼabʼentoj tzet chal yaʼ?
Hetza sunil hebʼ yaʼ kamnajxa xhpitzkʼalaxojkanh sat txʼotxʼ txʼotxʼ (Hechos 24:15)
Tojabʼkʼanabʼ hanabʼal yinh sunil skʼulal chachabʼ yuh hawabʼen tzet chal yaʼ Jehová: matxa bʼaqʼinhal xtxʼojbʼoj hakʼul, matxa chach yabʼilnoj bʼoj matxa tzet yaʼ chawabʼeʼ. Lawituʼ xhkawxoj hakʼul yinh sunil anma yuh matxa mak chʼuni xtxʼojal.
Matxa syaʼilal, matxa oqʼilal, matxa mak chʼichambʼoj bʼoj matxa mak xhkamojtoj.
Hej hawetbʼi bʼoj hawet yaman nhahil chʼehojikʼoj ta kʼatanh. Kaw kʼulchʼan jehoj sat txʼotxʼ txʼotxʼ yet chʼelojikoj yinh huneʼ paraíso.
Matxa mak chixiwoj skʼul. Anma chʼehojkʼoj yinh tzalalal.