¿Taxka chaʼaytij Komam Jahaw hunxa kʼayilal yibʼanh anma kaw txʼoj hunekxa?

22 Haktuʼ ye pax tinanh, kaw txʼoj anma. ¿Tzet stxʼojal chu anma yinh echele tiʼ?

23 Ay mak tiʼ xhpotxʼni anma. Wal Komam Jahaw chal Yaʼ ta mach chu juni naj stxʼojal (Éxodo 20:13; 1 Juan 3:11, 12).

24 Ay mak chʼelqʼani. Wal Komam Jahaw chal Yaʼ ta mach ko kuy eleqʼ (Éxodo 20:15; Efesios 4:28).

25 Ay mak tiʼ txʼihal hebʼix ix bʼay xhmohyi. Ay mak txʼihal yixal tiʼ nanan ye yatut yu. Ay hunqʼahanxa tonhe shunbʼasbʼa, mach xhmohyi. Sunil hunqʼahan tzehet-taj tiʼ, mach chʼekʼ yiʼaʼ Stzotiʼ Komam Jahaw (Mateo 19:4-6; 1 Corintios 7:1-4; 1 Timoteo 3:1, 2).

26 ¿Xhto tit yul ha kʼul yet xa Komam Jahaw hunchʼan yixal naj Adán? (Génesis 2:22, 24).

27 Ay mak tiʼ xhaqʼen tiyoxhteʼ. Wal Komam Jahaw chal Yaʼ ta mach chu janikoj tiyoxhteʼ bʼoj yechel tiyoxh yet xhko haqʼen Yaʼ (Éxodo 20:4, 5; Isaías 44:9-17; 1 Juan 5:21).

28 Sunil anma txʼoj mach sje okoj yinh naj skʼulal, xhtanhojiloj yu Komam Jehová (Salmo 37:9, 10; Lucas 13:5; 1 Corintios 6:9, 10).