LECCIÓN 02
Teʼ Biblia chaʼ teʼ skawxobʼal kokʼul
Nanannhe syaʼtajil chʼekʼkantoj yinh sqʼinal anmah, chʼaʼni bʼiskʼulal maka xin oqʼilal tet. ¿Ayxa huneloj el, haktuʼ hawabʼen habʼah? Mato tiʼnanh wakʼamta lanhan yekʼ yaʼ hawanmah yuh hunuj yabʼil, maka skamikal hunuj hafamilia, yuxin chuyi ta chaqʼambʼe ta wet ¿tom ay bʼaqʼinh xhwatxʼojiloj sat yibʼanh qʼinal? Spaj chaʼ teʼ Biblia chaʼ yaqʼlobʼal kokʼul.
1. ¿Tzet chalte teʼ Biblia jet?
Teʼ Biblia chal teʼ tzet yuxin kaw ay syaʼtajil bʼoj chalpax teʼ ta ekʼom yekʼi, bʼoj ta toxa chiʼaltoj Komam Dios. Tzet chalte teʼ Biblia chaʼ yaqʼlobʼal kokʼul mach stanhbʼal, yaʼni pax «huneʼ skʼulchʼanil bʼay xhkawxi kokʼul» (kuy 2 Tesalonicenses 2:16). Qʼahan tzetet chalte teʼ Biblia jet tiʼ, chaʼ jip yuh yijchahoj syaʼtajil juh bʼoj xin chuh jilni tzalalal yuh tiʼnanh. Kalanta sunilbʼal qʼinal.
2. ¿Tzet chuhuj yinh kosatajil yalni teʼ Biblia?
Teʼ Biblia chal teʼ ta yinh kosatajil «matxa bʼaqʼinh chuhuj kamikal, matxa oqʼilal, matxa mak chʼahoj skʼul, matxa mak chʼabʼenoj syaʼtajil» (kuy Apocalipsis 21:4). Xhtanhojiloj sunil xtxʼojal chonh aʼni oqʼoj tiʼnanh, hakaʼna mebʼaʼil, yulaxkoj xtxʼojal jinh, yabʼil kalanta kamikal. Teʼ Biblia chal teʼ ta chilaʼ anmah skʼulchʼanil yinh sqʼinal yet paraísoxa txʼotxʼ txʼotxʼ.
3. ¿Tzet yuh chuh jaʼni yuluj kokʼul ta chijaʼ sbʼah tzet chalte teʼ Biblia?
Txʼihal anmah choche ta xhwatxʼiloj sat yibʼanh qʼinal, yajaʼ matzet chʼaʼni skawxobʼal skʼul ta xhwatxʼojiloj. Yajaʼ wal teʼ Biblia chaʼ teʼ skawxobʼal kokʼul. Yunhe jaʼni yuluj kokʼul yinh tzet chal teʼ, mach tonhehoj xhkokuyuʼ teʼ, yilal «kotxumni tzet chal teʼ» (Hechos 17:11). Hakuynuj teʼ Biblia haʼ xhkolwahojkoj ta winh hawilnoj ta chawahaʼ yuluj hakʼul yinh tzet chalte teʼ yinh kosatajil.
JILAʼ YAQʼBʼILXA
Jilaʼ hayebʼoj skʼulchʼanil chalte teʼ Biblia jet yinh kosatajil. Kat jilnoj ta tiʼnanh ayxa mak xax kolwakoj qʼahan tiʼ yinh.
4. Teʼ Biblia chalte teʼ jehojkʼoj sunilbʼal qʼinal yinh skʼulchʼanil bʼay matxa syaʼtajil
Xol qʼahan tzetet chalte Komam Dios aykoj yalanh tiʼ, ¿bʼay tet qʼaʼ chawoche? ¿Tzet yuxin kaw chawoche?
Kuywej versículo aykoj skʼatanh qʼahan tzet chalte teʼ Biblia kat hetzoten qʼahan qʼambʼebʼal tiʼ la:
¿Chaʼ qʼahan versículo tiʼ skawxobʼal kokʼul hawalni? ¿Taxka chuh skolwa yinh hafamilia maka yinh hunuj hawamigo?
Akʼanabʼtoj hanabʼal hawehkʼoj hakaʼ yalni tiʼ la:
MATXA MAK... |
SUNIL MAK... |
|---|---|
|
|
|
|
|
|
|
|
|
|
5. Tzet chalte teʼ Biblia jet chuh skolwakoj yinh koqʼinal tiʼnanh
Txʼihal anmah txʼojxa yabʼen sbʼah yok xin titnajxa showal yuh syaʼtajil chʼekʼayoj sat yibʼanh qʼinal. Yuxin kaw choche swatxʼeʼloj sat yibʼanh qʼinal. Ilkʼanabʼi, teʼ Biblia chalte teʼ ta xhwatxʼojiloj, huneʼ tiʼ kaw aykoj skolwakoj yinh anmah tiʼnanh. Ilwej VIDEO kat hetzoten qʼahan qʼambʼebʼal tiʼ la:
Hakaʼ xjil yinh video, ¿tzet kaw xakoj yaʼ Rafika tiʼ yinh skʼul?
Waxanhkami mach xkʼahayoj tzetet kaw chakoj yaʼ Rafika tiʼ yinh skʼul, yajaʼ ¿tzet xuh skolwa teʼ Biblia yinh yaʼ?
Teʼ Biblia chuh skolwakoj teʼ jinh yunhe mach kaw txʼojoj jabʼen kobʼah yet mach chij sbʼah tzet xhjoche, waxanhkami mach xhtanhiloj syaʼtajil chʼekʼtoj yinh koqʼinal yajaʼ xhkolwapax teʼ jinh yunhe aqʼankʼulal jabʼen kobʼah. Kuywej Proverbios 17:22 bʼoj Romanos 12:12, kat hetzoten qʼahan qʼambʼebʼal tiʼ la:
¿Taxka chuh skolwakoj jinh tiʼnanh tzet chalte teʼ Biblia? Yajaʼ ¿tzet yuh hawalni?
TA AY MAK CHʼALNI TA WET: «Tzet chalte teʼ Biblia tiʼ kaw kʼul jabʼeni, yajaʼ hakaʼ yekankoj tiʼ tzimi ta chijaʼ sbʼah».
Ta ay tzet xhyenoj jet ta masan chij sbʼah tzet chalte teʼ Biblia, ¿taxka kʼul ta xhkokuyuʼ? ¿tzet yuh?
TZET XKOKUYU
Kaw txʼihal bʼay ayayoj yul teʼ Biblia tzet chubʼ jilnoj tzalalal yinh kosatajil, huneʼ tuʼ chaʼ skawxobʼal kokʼul bʼoj xhkolwakoj yinh koqʼinal tiʼnanh.
Kokayeʼnheʼ
¿Tzet yuh yilal yohtajnhen anmah tzet chalte Komam Dios?
¿Tzet chuhuj yinh kosatajil yalni teʼ Biblia?
¿Skawxobʼal kokʼul chaʼ teʼ Biblia tzet bʼay xhkolwakoj ta winh?
KAM OHTAJNHE YAQʼBʼILXA
Ohtajnhe bʼay xhkolwakoj skawxobʼal hakʼul chaʼ teʼ Biblia yet chʼekʼtoj syaʼtajil ta winh.
«¿Bʼay tuʼ chuh xhchaloh skawxobʼal kokʼul?» (¡Despertad!, 22 de abril de 2004, en español)
Ohtajnhe tzet xuh skolwakoj tzet chalte teʼ Biblia yinh anmah aykoj huneʼ yabʼil mach yanhal yinh.
«¿Tzet chuh skolwakoj teʼ Biblia yinh mak aykoj hunuj yabʼil yinh?» (Kuybʼanile ayatoj yinh jw.org)
Lawi hawilni huneʼ video musical tiʼ, atoj hanabʼal tato lanhan hawilni skʼulchʼanil bʼoj hafamilia yul huneʼ Paraíso chalte teʼ Biblia.
Kuyu tzet xuh skolwakoj tzetet chalte teʼ Biblia yinh huneʼ yaʼ winaj tonhkʼa chikanh sbʼah yinh tzetet mach kʼuluj.