Jiizas​—A Did Uu Dat?

Jeuova sen Jiizas fi kom dong pan di ort. 1 Jan 4:9

Lang lang bifuo im mek Adam, Jeuova mek wan powaful spirit iina evn. Ef wi waahn fi riili mek Jeuova api, wi afi lisn tu da powaful spirit de.

Wen di rait taim did kom, Jeuova sen da spirit de fi baan az a biebi iina Betliyem tu wan vorjin niem Mieri. Dem niem im Jiizas.​—Jan 6:38.

Wen Jiizas did de pan di ort, evriting we im du a di egzak siem ting we Gad wuda did du. Jiizas did kain an lovin an iizi fi taak tu. An im neva fried fi tiich ada piipl di chuut bout Jeuova.

Jiizas du suo-so gud, bot som did stil iet im. 1 Piita 2:21-24

Jiizas iil di sik, an im riez kopl ded piipl.

Bot di choch liida iina dem taim de did iet Jiizas laik a duos a paizn. Wa mek? Bikaaz im shuo op dem iivl wiez an mek evribadi nuo bout di uol iip a lai dem we dem a tiich di piipl dem.

Di choch liida dem inviigl di Ruoman dem fi biit op biit op an bata bruuz op Jiizas, an den fi kil im.