PAAT 6
Wa Wi Lorn Fram di Flod we Did Gwaan Iina Nowa Taim?
Iina Nowa taim, Gad dischrai di wikid bot siev Nowa an im fambili. 2 Piita 2:5
A piis a rien bos, an it faal aad aad fi faati die and faati nait. Evri nuk an krani a di ort ful op a waata. Aal a di wikid piipl dem ded aaf.
Di ienjel dem we did ton gens Gad tek aaf bak di badi dem we dem did put aan an ton diiman.
Di piipl dem we did iina di aak—dem sovaiv. Iivn duo Nowa an im fambili ded afta a wail, wi nuo se Gad a-go bring dem bak tu laif so dat dem kyan liv fi eva.
Di taim a-go kom agen wen Gad a-go dischrai wikid piipl an siev di gud piipl dem. Matyu 24:37-39
Sietan an im diiman dem stil a fuul op piipl.
Piipl iina Nowa taim neva did waahn lisn tu wa Jeuova se, an a di siem ting a gwaan tide. Likl fram dis, Jeuova a-go dischrai aal a di wikid piipl dem.—2 Piita 2:5, 6.
Siem laik ou Nowa did lisn tu Gad, rait nou, som piipl a lisn tu Gad an a du wa im se. Dem piipl de a di Jeuova Witnis dem.