Wa Kain-a Blesn A-go Kom tu Piipl Uu Lisn tu Gad?

Muos a uu ded a-go kom bak alaiv pan di ort. Jan 11:25

Tingk bout aal a di blesn dem we yu a-go get ef yu lisn tu Jeuova! Yu a-go av porfek elt. Nobadi naa go sik naar puoli. No bad piipl naa go de bout. Evribadi we yu si, yu a-go kyan chos dem.

Piipl naa go fiil no muor pien, dem naa go sad, an notn naa go di de fi mek dem baal. Nobadi naa go gruo uol agen, an nobadi naa go ded agen.

Yu a-go api fi de roun yu fambili an fren dem. Laif iina Paradais a-go swiit.

Notn naa go di de fi mek wi fried. Piipl a-go riili riili api.

Gad Kindom a-go get rid a aal a di sofarin dem. Revilieshan 21:4