Mi Redi Yet?
Mi Redi Fi Go Sorvis Go Priich Wid Di Breda An Sista Dem Yet?
Yu mait-a kyan staat fi priich wid di breda an sista dem iina di kanggrigieshan iivn duo yu no baptaiz yet ef yu a du dem sitn ya:
Yu aalwiez a stodi yu Baibl, yu a prie, an yu a go a di miitn dem.
Yu biliiv di sitn dem we yu a lorn an yu lov dem, an yu waahn fi tel ada piipl bout di sitn dem we yu a lorn.
Yu fi lov Jeuova, an yu fi mek shuor se yu gud fren dem lov im tu.
Yu did a paat a wan choch, an yu mek dem nuo se yu no waahn fi bi paat a it no muor, an yu no waahn fi av notn fi du wid dem sitn de agen, an yu naa miks op iina palitiks no muor.
Yu a liv yu laif ou Jeuova waahn yu fi liv it, an yu waahn fi bi wan Jeuova Witnis tu.
Ef yu fiil laik yu redi fi priich wid di breda an sista dem iina yu kanggrigieshan, di sumadi we a stodi di Baibl wid yu kyan mek yu taak wid di elda dem so dat yu kyan nuo wa fi du so dat yu kyan redi fi priich.
Mi Redi Fi Baptaiz?
Yu wi redi fi baptaiz ef . . .
Yu a sumadi we get fi staat priich we no baptaiz yet.
Yu a go out aafn go priich wid di breda an sista dem we de iina di kanggrigieshan.
Yu a bak “di waiz sorvant” an yu a du wa dem se yu fi du—Matyu 24:45-47.
Yu prie tu Jeuova, an tel im se yu waahn fi gi yu laif tu im an yu waahn fi sorv im fi eva.
Ef yu fiil laik se yu waahn fi baptaiz nou, di sumadi we a stodi di Baibl wid yu kyan mek yu taak wid di elda dem, an dem wi elp yu fi si wa yu fi du fi get redi fi baptaiz.