Mek Shuor Se Yu Naa Spred Tingz We No Go So

Nowadiez, tingz we piipl rait we de pan di riediyo, TV, an pan di Intanet kyan spred tu uol iip a piipl kwik kwik. Di wan dem we a sorv di Gad we lov di chuut no waahn spred tingz we no go so, iivn ef dem neehn miin fi dwi’it. (Ps 31:5; Ex 23:1) Wen wi sen tingz we no go so tu ada piipl, it kyan ort piipl bad bad: Wen yu waahn nuo ef sitn go so ar no go so, aks yuself dem kwestiyan ya:

• ‘Yu kyan chos se di sumadi riili nuo wa dem a taak bout?’ Di sumadi we a tel yu bout it guda nat iivn nuo ou di stuori did go. Wen tuori paas fram wan sumadi tu wan neda sumadi, it aalwiez en op difrant. So yu fi kieful wen yu no nuo we di tuori a kom fram. Piipl naamali chos we dem ier fram di wan dem we a wok nof iina di kanggrigieshan. So dem fi mek shuor se wa dem a se, dem nuo se a so it go fi chuu.

• ‘Wa dem a se, it a-go mek sumadi luk bad?’ Wi no fi ripiit wa wi ier ef it a-go gi sumadi ar wan gruup a piipl bad niem.​—Pr 18:8; Fil 4:8

• ‘Yu kyan riili biliiv da tuori ya?’ Yu fi kieful wen yu ier stuori we shak yu ar sitn we soun laik notn kyaahn go so.

WACH DI VIDIYO OU MI KYAN MEK SHUOR SE MI NO CHAT PIIPL? AN DEN ANSA DEM KWESTIYAN YA:

• 

  Akaadn tu Proverbs 12:18, ou wa piipl se kyan ort ada piipl?

• 

  Ou Filipiyan 2:4 kyan elp wi wen wi a-go taak bout piipl fi mek shuor se wa wi a se shuo se wi kier bout dem?

• 

  Wa wi fi du wen piipl se sitn we mek sumadi els luk laik dem a iidiyat ar mek dem luk bad?

• 

  Bifuo wi staat chat bout ada piipl, wa a som kwestiyan wi shuda aks wiself?