Ou Wi Kyan Du Beta Wen Wi A Priich An Tiich​—Ou Wi Kyan Yuuz Di Fuon Fi Priich Tu Sumadi

WA MEK WI FI DWI’IT: Wen wi yuuz di fuon fi priich, a wan gud wie fi “tel evribadi bout di gud nyuuz.” (Ak 20:24)a It wi elp wi fi priich tu sumadi wen wi kyaahn go out fi go priich tu dem.

OU WI FI DWI’IT:

• 

  Pripier. Pik sitn we yu nuo di sumadi wuda waahn fi taak bout. Den rait out wa yu wuda waahn fi se. An rait dong wan shaat sitn we yu wuda se fi mek dem nuo wa mek yu did a kaal ef yu get dem vaismiel. It wuda gud ef yu sidong roun wan tiebl wid di sitn we yu rait out an di ada sitn dem we yu a-go yuuz, laik wan fuon ar wan tablit wid JW Library^® ar di jw.org^® websait uopm op

• 

  No Wori. Taak ou yu wuda naamali taak. Jos sumail an gwaan laik ou yu wuda gwaan ef di sumadi a si yu. No tap tap evri minit wen yu a taak tu dem. It wuda gud ef yu wok wid sumadi els. Ef di sumadi we yu a priich tu aks wan kwestiyan, taak it out loud so dat di sumadi we yu a wok wid kyan elp yu fi get di ansa

• 

  Set op tingz so dat yu kyan taak tu dem agen. Ef di sumadi luk laik dem waahn nuo muor, yu kyan gi dem wan kwestiyan we yu a-go ansa di neks taim yu kaal dem. Yu kyan tel dem se yu kyan iimiel dem, kya, ar sen wan buk ar pamplet, ar sitn els go gi dem. Ar yu kyan tel dem se wi kyan teks dem ar iimiel dem wan a wi vidiyo dem, ar sitn els we de pan wi websait. Wen yu tingk a wan gud taim, yu kyan tel dem bout sitn els we de pan wi websait