Sitn We Yu Kyan Yuuz Fi Stodi

Di Bes Wie Fi Yuuz Di Paat We Mek Wi Nuo Wa A “Di Nyuu Ting Dem”

Di JW Library^® ap an di jw.org websait av wan paat we mek wi nuo “Di Nyuu Ting Dem” we kom out. A de-so yu kyan go fi go fain wi nyuu buk an pamplet dem an dem ting de. Ou yu kyan yuuz da paat ya fi kip op wid wa a gwaan?

JW Library

• Di paat we niem “What’s New” mek wi nuo wen sitn nyuu kom, laik it mek wi nuo wen sitn nyuu kom iina wan ‘article series.’ Wen sitn nyuu kom iina di ‘article series’ dem, yu afi dongluod di uol a di ‘series’ fi get da nyuu sitn de. Wen yu uopm it, dem a-go di de azkaadn tu di diet wen dem kom out, so di nyuu wan a-go de a di tap an yu kyan riid it.

• It mait tek yu wan lang taim fi riid aaf sitn laik wan magaziin, so wa yu kyan du a put it iina di paat we niem “Favorites” til yu don riid it.

JW.ORG

Som tingz laik nyuuz bout wi breda an sista dem an ada tingz bout wi, dem onggl de pan di jw.org websait, it no de pan di JW Library^® ap. Memba fi aalwiez luk pan di paat a di websait we niem “Luk Pan Di Nyuu Ting Dem” fi si aal a di nyuu sitn dem we kom out.