Di Sitn Dem We Iina Di Wachtowa We A No Di Lesn Dem We Wi Stodi

Nof a di breda an sista dem yuuz JW Library^® wen dem a stodi fi di miitn dem, an dem laik se it elp dem fi si di difrant difrant lesn dem we dem a-go stodi wan wan. Bot nof a di taim, Di Wachtowa we wi stodi av som ada sitn we rait out iina it we kyan kip wi kluos tu Jeuova. So wen wi iina di JW Library ap, ou wi kyan fain dem sitn ya so dat dem kyan elp wi?

• Dong a di batam paat a di lesn dem we iina Di Wachtowa, yu a-go si wan paat we niem “Additional Reading.” Wen yu luk anda dat yu a-go si sitn we niem “Other articles in this issue.” Toch dat, an den yu wi si di paat we tel yu wa de iina di magaziin, an yu a-go si se it shuo yu di lesn dem we wi a-go stodi an di nomba dem tu. So yu kyan pres pan wan a di sitn dem we a no wan a di stodi lesn dem we yu waahn fi riid.

• Wen yu de pan di front paat a JW Library an yu luk iina di paat we niem “What’s New,” an yu si se wan nyuu Wachtowa kom out, mek shuor se yu dongluod it. Den yu kyan uopm di magaziin an luk pan di paat we tel yu wa de iina it, an yu wi si aal a di ada sitn dem we iina it we kyan elp yu.