Yu Kyan Fain Tingz We Kyan Elp Yu Pan JW.ORG

Evriting we wi niid fi diil wid di prablem dem we wi av iina dem laas die ya de iina Gad Wod. (2Ti 3:1, 16, 17) Bot somtaim wi a-go niid elp fi fain di tingz dem iina Gad Wod we kyan elp wi fi diil wid sortn an sortn tingz. Laik ef yu a wan mada ar wan faada, yu mait-a waahn fain sitn bout ou yu kyan gruo yu pikni gud. Ar yu kuda bi wan tiinieja we a fain it aad fi chos iina Gad. Ar yu mait-a sad bad kaa yu ozban ar yu waif ded. Yu kyan fain sitn pan jw.org we kyan shuo yu wa iina di Baibl kyan elp yu fi diil wid wa yu a go chuu an nof ada tingz.​—Pr 2:3-6.

Klik pan TINGZ WE WI KYAN LORN FRAM DI BAIBL we de pan di front piej a di jw.org websait. (Luk pan picha nomba 1.) Fram di baks we jrap dong klik pan wa yu waahn riid bout. Ar klik pan LAIBRI > SOM TINGZ WE YU KYAN GET PAN DI WEBSAIT an den yu kyan klik pan wa yu waahn riid bout de-so tu. (Luk pan picha nomba 2.) Yu kyan fain di siem sitn dem pan JW Laibri.a Yu mait-a laik fi luk pan dem sitn ya iina JW Laibri ar pan di websait. Ar yu kyan yuuz di baks we maak “sorch” pan di websait fi luk fi wa yu waahn riid bout.

Taip dem tapik ya iina di sorch baks, an rait dong di sitn dem we yu fain we yu waahn fi riid muo bout.

• Ou fi gruo yu pikni dem

• Wen yu tiinieja sad bad

• Wen yu ozban ar waif ded