Gwaan Chrien Yuself Fi Nuo Wa Rait Fram Wa Rang

Ef sumadi a wan rona ar dem plie spuots, dem afi chrien dem badi aad ef dem waahn gwaan du dem ting gud. A siem wie so, wi fi aalwiez a wok aad fi chrien wiself so dat wi kyan nuo wa rait fram wa rang. (Iib 5:4) Yu mait-a sumadi we lov fi du wa ada piipl a du, bot wi fi lorn fi tingk fi wiself an mek op wi uona main bout wa wi a-go du. Wa mek wi afi mek op wi uona main? Kaaz aal a wi afi go ansa tu Gad fi di sitn dem we wi du.​—Ruo 14:12.

Wi no fi tingk se kaa wi baptaiz lang taim dat miin se wi aalwiez a-go du wa rait. Fi du wa rait, wi afi luk tu Jeuova fi im elp wi; wi afi riid im Wod, an wi afi du wa im aaganaizieshan se wi fi du.​—Jos 1:7, 8; Pr 3:5, 6; Mt 24:45.

WACH DI VIDIYO MEK SHUOR SE WA YU A DU NAA BADA YU KANCHENS, AN DEN ANSA DEM KWESTIYAN YA:

• 

  Wa Emma did afi mek op ar main bout?

• 

  Wa mek wi no fi tel piipl wa fi du wen it kom aan tu tingz we afi du wid dem kanchens?

• 

  Wa’a di advais we wan ozban an waif did gi Emma?

• 

  We Emma did fain som tingz fi elp ar fi mek ar nuo wa fi du?