Yong Piipl​—Mek Unu Mada An Faada Nuo Ou Unu Riili Fiil

Wa mek yu fi tel yu mada an faada ou yu riili fiil? (Pr 23:26) Yu fi tel dem kaaz a dem Jeuova gi di wok fi tek kier a yu an fi elp yu fi nuo wa fi du. (Ps 127:3, 4) Ef yu no mek dem nuo ou yu riili fiil bout tingz, it a-go aad fi dem elp yu. Plos, yu naa go get fi lorn fram di sitn dem we dem go chuu aredi. So yu tingk dat miin se yu afi tel yu mada an faada evriting? No riili​—bot mek shuor se yu no mek dem tingk tingz we no go so ar tel dem no lai.​—Pr 3:32.

So wa yu fi du so dat yu kyan taak tu yu mada an faada? Pik wan taim wen yu an dem kyan wol a riizn. Ef yu fain it aad fi taak tu dem, yu kyan rait wan leta fi mek dem nuo ou yu riili fiil. Supuoz dem waahn taak bout sitn we yu no waahn taak bout? Memba se a elp dem waahn elp yu. Yu mada an faada a no yu enimi; dem a yu fren. Wen yu wok aad fi taak tu yu mada an faada fram yu aat, it a-go elp yu nou an fi eva!​—Pr 4:10-12.

WACH DI VIDIYO MI A WAN TIINIEJA​—WA MI FI DU FI TAAK TU MI MADA AN FAADA? AN DEN ANSA DEM KWESTIYAN YA:

• 

  Wa Esta an Paartik did fain out bout demself?

• 

  Wen yu luk pan wa Jiizas did du, wa yu kyan lorn fram dat?

• 

  Wa an wa yu mada an faada du we mek yu nuo se dem kier bout yu?

• 

  Wa’a som a di sitn dem we de iina di Baibl we kyan elp yu fi taak tu yu mada an faada?