DIS A OU AAL UU A FALA JIIZAS FI LIV
Kip Faar Fram Di Wan Dem We Tap Sorv Jeuova An A Tel Bie Lai Bout Im
Kaa dem no waahn wi fi chos iina Jeuova, Sietan an di wan dem we a fala im, wi se som tingz we luk laik di chuut wid di bag a lai dem we dem a tel. (2Kor 11:3) Kaa dem did waahn Jeuova piipl dem fi gi op, di Asiriyan dem did se som tingz we did kain-a go so an did tel dem som wikid lai tu. (2Ch 32:10-15) An a sed ting di wan dem we tap sorv Jeuova an a tel bie lai bout im a gwaan wid tide. Wen it kom aan tu dem piipl de, wi waahn kip faar fram dem laik ou wi wuda kip faar fram paizn. Wi no fi riid notn we dem rait, wi no fi a chat tu dem bout notn we dem se, an wi no fi tel nobadi tingz we dem se niida. Wen wi si tingz we a chrai fi get wi fi tap chos iina Jeuova an im aaganaizieshan, wi no fi ich fi ron we fram dem tingz de.—Juud 3, 4.
WACH DI VIDIYO WAN PAAT FRAM DI VIDIYO WE NIEM ‘UNU FI TAN OP CHRANG AN FAIT FI WE WI BILIIV IINA’! AN DEN ANSA DEM KWESTIYAN YA:
Wa mek wi fi wach wa wi a du wen wi a taak tu piipl pan di intanet?
Ou wi kyan du wa Ruoman 16:17 se wi fi du?