DIS A OU AAL UU A FALA JIIZAS FI LIV
Dipen Pan Jeuova Wen Ada Pikni A Tek Set Pan Yu
Wen ada pikni a tek set pan yu, dem mait-a biit yu op an aal schres yu out tu. Wen dem a fait gens yu kaaz a wa yu biliiv iina, dem kyan aal mek yu fiil laik fi tap du wa Jeuova waahn yu fi du. Ou yu kyan protek yuself wen ada pikni a tek set pan yu?
A wol iip a Jeuova piipl dem did afi diil wid piipl we a tek set pan dem. Bot kaa dem dipen pan Jeuova, im elp dem. (Ps 18:17) Laik, Esta did taak op tu di King fi mek im nuo se Ieman did a tek set pan Gad piipl dem an did waahn fi kil dem aaf. (Es 7:1-6) Bot bifuo shi go taak tu di King, shi du tingz fi shuo se a Jeuova shi a dipen pan. (Es 4:14-16) Kaaz a wa shi did du, Jeuova bles ar, an protek shi an im piipl dem.
Ef sumadi a tek set pan yu, beg Jeuova fi elp yu. Den taak tu sumadi bout it, laik yu mada ar yu faada. Yu kyan nuo fi shuor se Jeuova a-go elp yu jos laik ou im did elp Esta. Wa els yu kyan du wen ada pikni a tek set pan yu?
WACH DI VIDIYO MI A WAN TIINIEJA—WA MI KYAN DU WEN ADA PIKNI A TEK SET PAN MI? AN DEN ANSA DEM KWESTIYAN YA:
Wa wi kyan lorn fram wa Charlie an Ferin did du?
Wa di mada an faada dem kyan lorn fram wa Charlie an Ferin did du?