AAGOS 5-11

SAAMZ 70-72

Sang 59 An Prieya | Tingz We Wi Fi Luk Out Fa Iina Di Miitn (1 min.)

DI CHREZHA DEM WE DE IINA GAD WOD

1. Tel Di Piipl Dem We Yongga Dan Yu Bout Di Powaful Sitn Dem We Gad Du

(10 min.)

Wen im did yong, Dievid did si ou Jeuova protek im an tek kier a im (Sa 71:5; w99-E 9/1 18 ¶17)

Wen im did op iina iej, Dievid kuda si ou Jeuova did stil a tek kier a im (Sa 71:9; g04-E 10/8 23 ¶3)

Wen Dievid tel di yong piipl dem wa im did go chuu, dat did elp dem fi gwaan tan op chrang (Sa 71:17, 18; w14-E 1/15 23 ¶4-5)

Di fambili we did de iina di paat laas wiik we niem “Som Sitn We Kyan Elp Yu Fi Du Yu Fambili Baibl Stodi.” Dem did invait wan ozban an waif we op iina iej an dem api fi a luk pan dem picha dem an fi ier bout tingz we dem go chuu.

AKS YUSELF, ‘Wich wan a di breda an sista dem iina mi kanggrigieshan we a sorv Jeuova fram lang taim, mi wuda laik fi kom a mi fambili Baibl stodi so dat wi kyan aks dem som kwestiyan?’

2. Di Preshos Tingz Fram Di Baibl

(10 min.)

Sa 72:8—Ou wa Jeuova did tel Iebriyam se wuda apm iina Jenisiz 15:18 did apm fi chuu wen Salaman did a ruul az king? (it-1-E 768)

Rait yu ansa
Fi da wiik ya, tel wi som a di preshos ting dem we yu lorn fram di Baibl riidin.

Rait yu ansa

3. Di Baibl Riidin

(4 min.) Sa 71:1-24 (th-E stodi 5)

WOK AAD FI PRIICH TU PIIPL AN TIICH DEM BETA

4. Wen Wi Taak Tu Piipl Fi Di Fos Taim

(3 min.) WEN WI A PRIICH OUS TU OUS. Wen di sumadi staat kos, chrai fi tek we yuself iina wan nais wie. (lmd lesn 4 paint 5)

5. Wen Wi Go Bak Go Taak Tu Dem

(4 min.) PRIICH TU PIIPL ENIWE YU DE. Taak tu wan a yu fambili memba dem we yu did taak tu bifuo an den dem a-go tel yu se dem no tuu shuor ef dem waahn fi stodi di Baibl. (lmd lesn 8 paint 4)

6. Elp Piipl Andastan Wa Mek Yu Biliiv Wa Yu Biliiv

(5 min.) Wan Baibl Taak. Ijwfq-E 49—Tapik: Wa Mek Di Jeuova Witnis Dem Chienj Op Som A Di Sitn We Dem Biliiv? (th-E stodi 17)

DIS A OU AAL UU A FALA JIIZAS FI LIV

Sang 76

7. Tingz We Yu Kyan Du Fi Yu Fambili Baibl Stodi

(15 min.) Taak an kwestiyan.

Nou di fambili a sing an a praktis wan sang fram di sangbuk.

Wan a di daata dem a ansa wan kwestiyan we ar mada aks wen dem a du dem fambili Baibl stodi.

Wen dem a du dem fambili Baibl stodi, dat a wan a di taim dem wen di mada an faada dem kyan tiich dem pikni dem fi liv “di wie ou di Laad waahn dem fi liv.” (Ifii 6:4) Wi afi mek op wi main fi wok aad ef wi waahn fi lorn sopm bot dat no min tu se di pikni dem naa go kyan enjai wa dem a lorn, speshali wen dem get fi lov di sitn dem we de iina di Baibl. (Jan 6:27; 1Pii 2:2) Taak bout di sitn dem iina di paat we niem “Som Sitn We Yu Kyan Du Fi Yu Fambili Baibl Stodi,” an elp di mada an faada dem fi si wa dem kyan du so dat dem fambili Baibl stodi kyan gwaan gud, an den aks dem kwestiyan ya:

Wich wan a dem sitn ya yu wuda waahn fi chrai?

Rait yu ansa
Yu av sitn els we yu a du iina yu fambili Baibl stodi we yu si se a elp yu fambili?

Rait yu ansa

SOM SITN WE YU KYAN DU FI YU FAMBILI BAIBL STODI

DI BAIBL:

Lisn tu di rekaadin fi di paat iina di Baibl we wi a-go riid fi di wiik, ar unu kyan riid it tugeda. Di difrant difrant sumadi dem iina yu fambili kyan riid di paat dem fi di difrant piipl dem iina di Baibl tuori
Unu kyan rait som kwestiyan we bies pan di paat iina di Baibl we unu a-go riid fi di wiik. Di sumadi dem iina yu fambili kyan pik wan a di kwestiyan dem an go luk op tingz iina di buk an pamplet dem. Den dem kyan kom an tel di ada piipl dem wa dem lorn bout da kwestiyan de
Aks dem wan kwestiyan ar tel dem bout sitn we mait-a apm an den evribadi kyan go fain di sitn dem iina di Baibl we dem kyan riizn pan iina di buk we niem Scriptures for Christian Living
Ak out wan a di tuori dem iina di Baibl
Evri wiik yu kyan mek wan likl kyaad wid wan difrant Baibl vors. Laik yu kyan pik fram di wan dem we de iina som ada tingz fi luk pan paat A iina di pamplet we niem Shuo Piipl Lov—Elp Dem Fi Ton Jiizas Falara, an den unu kyan chrai fi memba wa da vors ya se. Evri wiik unu kyan gu bak go luk pan di kyaad dem we unu did du di wiik bifuo
Stodi wan paat iina di Yu Kyan Bi Api Nou An Fi Eva! buk
Aks di piipl dem iina yu fambili fi go luk pan sitn we de iina wan a dem sitn ya: “Bible Questions Answered” ar “Bible Verses Explained,” we de iina di paat pan jw.org we niem “BIBLE TEACHINGS” an dem fi kom bak kom taak bout it wen unu a du unu fambili Baibl stodi

DI MIITN DEM:

Du sitn we unu a-go stodi iina wan a di miitn dem
Rait out unu ansa dem an praktis wa unu a-go se. Luk pan umoch taim unu tek fi ansa di kwestiyan
Sing som a di sang dem iina di sangbuk
Taak bout sitn we unu kyan se fi bil op sumadi bifuo di miitn staat ar wen it don an se it ou unu wuda se it
Ef sumadi iina yu fambili av wan likl paat fi du iina wan a di miitn dem, dem kyan du wa dem plan fi du iina di fambili Baibl stodi

DI PRIICHIN WOK:

Du tingz fi redi op unuself fi wen unu go priich fram ous tu ous
Saat out wa unu a-go se tu piipl we unu fi go bak go taak tu
Tingk bout se unu no iina fiil sorvis an si ou unu kyan jos staat taak tu sumadi
Taak bout som a tingz we unu wuda waahn fi du so dat unu kyan du muor fi priich tu piipl an tiich dem iina di taim wen di Laad Sopa a gwaan, ar laik wen di pikni dem de pan alidie, ar enitaim di mada an faada dem no afi ga’a wok

TINGZ WE AFI DU WID FI YU FAMBILI:

Du som tingz we shuo wa unu kyan du fi diil wid wan prablem we dem mait-a a av aredi ar we dem mait-a av iina di fyuucha, laik fi no tek no said iina palitiks, wen pikni a tek set pan dem, laik wen piipl a presha dem fi av bwai fren ar gorl fren, ar ef piipl waahn dem fi get miks op iina di alidie an dem ting de we dem selibriet
Wan a di taim dem di mada an faada dem kyan ak laik dem a di pikni dem, an di pikni dem kyan ak laik dem a di mada an faada. Unu kyan pik wan tapik an di pikni dem wuda go luk op tingz pan it an kom bak kom uol a riizn wid dem mada an faada

SOM ADA TINGZ WE UNU KYAN DU:

Wach di JW Broadcasting® fi di mont an taak bout it
Riid sitn we de pan jw.org ar wach wan vidiyo, an den taak bout it
Pik sitn we de iina di paat we niem “Fi Di Tiinieja An Yong Piipl Dem” ar “Fi Di Pikni Dem” we de iina di paat we niem “TINGZ WE WI KYAN LORN FRAM DI BAIBL” pan jw.org an taak bout it
Taak bout som a di sitn dem we unu did rait dong wen unu did ga’a kanvenshan ar sorkit miitn
Chek out sitn we Gad mek, an den taak bout wa it tiich unu se bout Jeuova
Som a di taim unu kyan aks sumadi els fi kom a unu fambili Baibl stodi an den unu kyan aks dem som kwestiyan
Taak bout som tingz we unu wuda waahn fi du fi sorv Jeuova beta an ou unu kyan get fi du dat
Mek sitn wid unu wan aneda, laik unu kyan mek wan map a somwe iina di Baibl, ar sitn we luk laik sitn we did de iina di Baibl

Plie di VIDIYO Wok Aad Fi Mek Yu Fambili Baibl Stodi Beta. Den aks da kwestiyan ya:

Wa wan ozban kyan du so dat im waif kyan riili laik di fambili Baibl stodi wen no pikni no de bout?

Rait yu ansa

8. Di Baibl Stodi Fi Wi Miitn

(30 min.) bt chap. 13 ¶17-24