Sitn We Yu Kyan Yuuz Fi Stodi

Yu laik fi riid tuori bout wi breda an sista dem?

Wan ozban an waif we riid wan tuori bout sumadi laif evri maanin se: “Wen wi riid dem tuori ya, it mek wi api an dem gi wi wan likl push fi go aan. Dem mek wi memba se no mata wa a gwaan wid wi, wi kyan stil du wa Jeuova waahn wi fi du.” Wan sista we fiil laik da ozban an waif ya rait an se: “Wen mi riid dem tuori ya, dem mek mi fiil beta an dem toch mi aat. Di wie ou wi breda an sista dem liv dem laif mek wi nuo se dem av sopm a liv fa. Wen mi riid dem tuori ya, dem mek mi waahn fi priich muor, an dem elp mi fi mek mi pikni dem si se di bes ting dem kyan du wid dem laif a fi yuuz muos a dem taim fi du nof fi Jeuova.”

Di tuori dem we a tel wi bout piipl laif kyan push wi fi du muor fi Jeuova, an dem kyan elp wi fi get rid a eni bad wiez we wi a chogl wid, an dem kyan mek wi api an mek wi kyan oul op wi ed wen wi a eng aan an a tan op chrang no mata wa wi a go chuu. We yu kyan fain dem tuori ya?

• Luk chuu di paat we niem “Life Stories of Jehovah’s Witnesses” we de pan jw.org ar yu kyan luk iina di JW Library® ap.

• Sorch fi “Life Stories of Jehovah’s Witnesses” pan di Watchtower ONLINE LIBRARY^™ ar di Watchtower Library.