Som Tingz We Yu Kyan Du Wen Yu A Du Yu Uona Baibl Stodi An Yu Fambili Baibl Stodi

A no onggl wen wi de a di miitn dem, wi sorkit miitn dem, an wi kanvenshan dem wi worship Jeuova, bot wi a worship im tu wen wi de bai wiself an wen wi de wid wi fambili dem tu. Si som sitn ya we wi kyan du wen wi a du wi uona Baibl stodi an wi fambili Baibl stodi:

• Du tingz fi redi op yuself an yu fambili fi go a di miitn dem. Yu kyan sing di sang dem an elp di res a di piipl dem iina yu fambili fi av wan ansa fi gi.

• Riid wan tuori we de iina di Baibl. Afta yu dwi’it, yu kyan jraa wan picha bout wa did apm ar rait dong sitn we yu lorn fram it.

• Riid wan prieya we de iina di Baibl an tingk bout ou it kyan elp yu fi prie beta.

• Wach wan a di vidiyo dem we de pan jw.org an den taak bout it ar rait dong wan likl sopm bout wa yu lorn fram it.

• Praktis wa yu a-go se wen yu go a fiil sorvis.

• Luk pan di sitn dem we Jeuova mek an tingk bout it, ar taak bout wa it tiich yu bout Jeuova.a