Dis A Tel Wi Bout Paat 6

Wen di Izrelait dem kech a di Pramis Lan, di mien plies we dem wuda go worship Jeuova a di tent. Di priis dem tiich dem Gad Laa, an yu did av som joj we Gad pik fi mek di piipl dem nuo wa fi du. Iina da paat ya, wi a-go si ou wa wan sumadi du kyan mek tingz ton out gud ar bad fi ada piipl. Di Izrelait dem a did Jeuova speshal piipl, bot evri wan a dem wuda afi mek op dem main fi du wa im se, an wen dem du dat, dem wuda liv gud wid dem wan aneda. Wi a-go lorn bout Debra, Nayuomi, Jashwa, Ana, Jefta daata, an Samwel, an wi a-go si ou wa dem du did elp di ada Izrelait dem. An som ada piipl we a neehn Izrelait laik Rieyab, Ruut, Jieyel an di Gibiyanait dem did mek op dem main fi jain op wid di Izrelait dem kaa dem did nuo se Gad did a bak dem.