Dis A Tel Wi Bout Paat 5

Tuu mont afta dem did go chuu di Red Sii, di Izrelait dem kech a Mount Sainai. A de-so Jeuova did pramis se dem wuda bi im speshal piipl. Im did gi dem evriting we dem niid fi liv​—laik mana fi nyam, kluoz we wudn get uol an mash op, an wan plies fi liv we dem wuda fiil sief. So Jeuova did a tek kier a dem. Ef yu a wan mada ar wan faada, elp yu pikni fi si wa mek Jeuova did gi di Izrelait dem di Laa, di tent fi worship im, an di priis dem. Elp dem fi si wa mek wen wi se wi a-go du sopm wi fi dwi’it, wa mek wi fi ombl, an wa mek wi fi aalwiez stik tu Jeuova.