SANG 10
Priez Jeuova Gad!
Di Wan We Print
(Psalm 145:12)
1. Kom wi priez Gad, Jeuova Gad!
An mek wan an aal nuo im niem.
Shout it out kaa im die suun kom;
Wi tel evribadi ou im griet.
Jeuova Gad av wan Kindom abov,
An im pik fi im Son fi ruul.
Go fain aal di piipl; tel dem di nyuuz
Bout di gud tingz we Gad gweehn du!
(KUOROS)
Priez wi Gad! Priez Jeuova Gad!
An mek evribadi nuo im griet!
2. Fi wi Gad a Jeuova Gad;
Yes, wi glad fi sing bout im niem!
Gi im priez; gi im aal di priez.
Wi tel evribadi bout im wiez.
Nobadi no powaful laik wi Gad,
Bot im shuo lov tu wan an aal.
Im nuo ou wi fiil; im nuo wa wi niid,
An im ansa wi wen wi kaal.
(KUOROS)
Priez wi Gad! Priez Jeuova Gad!
An mek evribadi nuo im griet!
(Riid Ps. 89:27; 105:1; Jer. 33:11 tu.)