SANG 159
Rispek Dyuu, Jeuova!
(Saam 96:8)
1. Yu a di Muos Ai Jeuova;
No Gad no grieta dan yu.
Bot yu stil shuo se yu lov mi,
Mi tangk yu fi aal we yu du.
Wen mi tingk bout aal yu powa,
Kuol bomp staat ful op mi skin
Kaaz Faada ou yu stil si mi
Wen yu a di wan Gad an King?
(KUOROS)
Ja dis ya sang a fi big op yu niem
Fi di gud tingz we yu du.
Yu a mi King an yu dizorv mi priez,
Mi so glad fi worship yu.
Mi jos waahn se: “Rispek dyuu!”
2. Mi liv fi yu nou, Jeuova.
Elp mi fi big op yu niem.
Mi waahn fi tel evribadi
Bout ou yu so gud, mi no shiem.
It fiil so gud fi de sorv yu,
Notn no swiita dan dat.
Yu a di wan we a liid mi.
Jos gwaan kip mi chrang, du no tap.
(KUOROS)
Ja dis ya sang a fi big op yu niem
Fi di gud tingz we yu du.
Yu a mi King an yu dizorv mi priez,
Mi so glad fi worship yu.
Mi jos waahn se: “Rispek dyuu!”
3. Aal a di ting dem we roun mi—
Mountn an riva an sii,
Shuo se yu waiz an av powa
An shuo mi yu lov mi fi riil.
Wen mi tek iin dem ya tingz ya,
Ou mi fi se yu no de?
Ja mi so api yu mek dem,
Mi afi gi yu nof rispek!
(KUOROS)
Ja dis ya sang a fi big op yu niem
Fi di gud tingz we yu du.
Yu a mi King an yu dizorv mi priez,
Mi so glad fi worship yu.
Mi jos waahn se: “Rispek dyuu!”
(Luk pan Sa. 96:1-10; 148:3, 7 tu.)