SANG 92
Da Plies Ya Bil fi Priez Yu Niem
(1 Chronicles 29:16)
1. Jeuova, wi Gad, wat a ana
Yu gi wi fi kaal pan yu niem.
Yu elp wi fi don bil da plies ya.
It mek so dat yu get di priez.
Wateva wi gi yu, Jeuova,
Wi nuo wi did get dem fram yu.
Wi si evri die ou yu bles wi,
An dat mek wi api fi chuu.
(KUOROS)
Da plies ya bil fi priez yu niem.
Du tek it az fi yu uon.
Yes, wi disaid fi gi’it tu yu.
A fi yu, an yu aluon.
2. Jeuova, wi prie se da plies ya
Gweehn mek piipl gi yu di priez.
Wi waahn fi mek shuor se wi yuuz it
Fi elp piipl lorn bout yu wiez.
So dis a di plies wi waahn gi yu,
Dat yu kyan tek uova kanchuol
A aal wa yu piipl gweehn du ya,
An bles aal a wi—yong an uol.
(KUOROS)
Da plies ya bil fi priez yu niem.
Du tek it az fi yu uon.
Yes, wi disaid fi gi’it tu yu.
A fi yu, an yu aluon.
(Riid 1 Ki. 8:18, 27; 1 Chron. 29:11-14; Aks 20:24 tu.)