No Fuos Notn

Wa Filip Did Du

VIDIYO: Filip Priich Tu Di Man We Kom Fram Iitiyuopiya

1. Wach di VIDIYO, ar riid Aks 8:30, 31. Den ansa dem kwestiyan ya:

1. Ou Filip did staat fi taak tu di man?

2. Di wie ou Filip did staat taak tu di man, ou dat did shuo se im neehn a fuos it, an ou dat did gi im di chaans fi tel im sitn nyuu fram Gad Wod?

Wa Wi Lorn Fram Wa Filip Did Du?

2. Ef wi no fuos di ting an jos gwaan taak tu di sumadi, wi guda fain se it elp dem fi no fiil laik se wi a presha dem an dem wi muo waahn fi tek iin wa wi a se.

Du Laik Wa Filip Did Du

3. Tek iin wa a gwaan roun yu. Wen wi luk pan ou sumadi fies luk an wa dem a du wid dem an an dem ting de, wi kyan lorn uol iip bout dem. Di sumadi luk laik dem waahn fi taak tu yu? Si sitn ya we yu mait-a kyan se fi tel dem sitn bout di Baibl: “Yu did nuo se . . . ?” Ef dem luk laik dem no waahn fi taak tu yu, no bada fuos dem.

4. No rosh tingz. No fiil se yu afi tel dem sitn bout di Baibl az yu dis staat taak tu dem. Wiet fi di rait taim fi se sitn. Som a di taim yu mait-a afi wiet til di neks taim yu taak tu dem fi se sitn bout di Baibl.

5. Chienj op tingz bies pan wa a gwaan. Yu mait-a fain se dem staat taak bout sitn we yu neehn tingk dem wuda taak bout. So yu fi redi fi tel dem sitn bies pan wa dem waahn fi nuo, aal ef dat miin se yu afi taak bout sitn we yu neehn plan fi taak bout.