Tingk Bout Ada Piipl

Wa Jiizas Did Du

VIDIYO: Jiizas An Di Uman We Did De A Di Wel

1. Wach di VIDIYO, ar riid Jan 4:6-9. Den ansa dem kwestiyan ya:

1. Bifuo Jiizas did staat taak tu di uman, wa an wa im did tek iin bout ar?

2. Jiizas se: “Beg yu fi som waata fi jringk.” Wa mek dis did a wan gud wie fi staat taak tu di uman?

Wa Wi Lorn Fram Wa Jiizas Did Du?

2. Ef wi staat taak bout sitn we di sumadi waahn fi taak bout, dem mait-a muor waahn fi taak tu wi.

Du Laik Wa Jiizas Did Du

3. Yu fi wilin fi chienj op tingz. No bada chrai fi taak bout sitn we yu waahn fi taak bout. Staat taak bout sitn we de pan piipl main rait ya nou. Aks yuself:

1. ‘Wa a gwaan pan di nyuuz?’

2. ‘A wa mi nieba dem, di piipl dem we mi wok wid, ar di pikni dem we mi ga’a skuul wid a taak bout?’

4. Tek iin wa a gwaan roun yu. Aks yuself:

1. ‘A wa di sumadi a du ya nou? Wa dem mait-a a tingk bout?’

2. ‘Wen mi luk pan ou di sumadi luk, di kluoz we dem av aan, ar ou dem yaad tan, wa dis mek mi nuo bout wa dem biliiv iina ar wich paat dem kom fram?’

3. ‘A di rait taim dis fi mi taak tu di sumadi?’

5. Lisn tu dem.

1. No chat tu moch.

2. Mek di sumadi si se dem kyan taak tu yu. Wen a wan gud taim, yu kyan aks dem som kwestiyan.