DIS A OU AAL A UU A FALA JIIZAS FI LIV

Wen Piipl Big Yu op, No Mek It Go tu Yu Ed

Somtaim piipl mait-a big wi op ar tel wi se wi kyan du tingz gud. Wen wi si se it a kom fram dem aat, it kyan mek wi fiil gud. (Pr 15:23; 31:10, 28) Bot wi fi chrai fi no mek it go tu wi ed an mek wi tingk se wi beta dan ada piipl.

PLIE DI VIDIYO JOS LAIK JIIZAS, TAN WID JEUOVA—WEN PIIPL BIG YU OP, NO MEK IT GO TU YU ED, AN DEN ANSA DEM KWESTIYAN YA:

Wa a som tingz we piipl mait-a big wi op fa?
Wa di breda dem did a se fi big op Sergei?
Wa mek it neehn rait fi dem a big im op so?
Sergei did ombl wen im ansa dem. Wa yu kyan lorn fram dat?

Som picha we dem tek outa di vidiyo ‘Jos Laik Jiizas, Tan Wid Jeuova, an Wen Piipl Big Yu op, No Mek It Go tu Yu Ed,’ a shuo Sergei a wan likl get-tugeda a wan breda ous. Iivn duo di breda dem a big im op tu moch, di wie im ansa dem shuo se im neva did mek we dem a se go tu im ed.