DI CHREZHA DEM WE DE IINA GAD WOD

Jeuova Mek Im Piipl Dem Wok Tugeda

[Plie Di Vidiyo We A Tel Wi Bout Numbers.]

Di Izrelait dem did kyamp op iina chrii-chrii chraib (Nu 1:52, 53; w94-E 12/1 9 ¶4)

A mait-a bout 3,000,000 ar muo piipl did iina di Izrelait kyamp (Nu 2:32, 33; it-1-E 397 ¶4)

Jeuova waahn im piipl dem fi worship im iina sortn an sortn wie. A dat im did waahn fi di piipl dem iina Izrel, an a di siem ting im waahn fi di piipl dem we a worship im tide.—1Kor 14:33, 40.

Wan picha we shuo ou di Izrelait dem kyamp did set op. Gad ous de iina di migl. Di Levite fambili liv di nieris tu Gad ous: Aaron liv pan di iis said, di Kohathites dem de pan di sout said, di Gershonites dem de pan di wes said, an di Merarites dem de pan di naat said. Di 12 Chraib iina Izrel liv likl forda fram Gad ous.Issachar, Judah, an Zebulun liv pan di iis said. Gad, Reuben, an Simeon liv pan di sout said. Benjamin, Ephraim, an Manasseh liv pan di wes said. Naphtali, Dan, an Asher liv pan di naat said.

AKS YUSELF, ‘Ou mi kyan shuo se eniting we Jeuova aaganaizieshan se mi fi du, a dat mi a-go du?’