Yu Fi Chriit Di Uolda Uman Dem Laik Dem A Yu Mada An Di Yongga Uman Dem Laik Dem A Yu Sista

Di Baibl tel wi se wi fi chriit wi uolda breda an sista dem laik se dem a wi mada an faada, an di yongga wan dem laik se dem a wi uona breda an sista. (Riid 1 Timoti 5:1, 2.) Espeshali di breda dem fi mek shuor se dem chriit di sista dem gud an shuo dem nof rispek.

Wan breda no fi du tingz fi mek wan sista tingk se im laik ar, ar mek shi fiil a wie wen shi de roun im. ( Job 31:1) Wan breda we naa plan fi marid tu wan sista no fi du tingz fi mek ar tingk se im a luk ar wen im na’av no planz fi marid tu ar.

Ef wan sista aks wan kwestiyan iina wan nais wie, ar shi mek di elda dem nuo sitn we niid fi du, di elda dem fi mek ar si se dem a tingk bout wa shi a se. Di elda dem fi du tingz fi shuo se dem kier bout di sista dem we no av no ozban fi tek kier a dem.​—Ru 2:8, 9.

WACH DI VIDIYO NO TAP SHUO LOV IINA DI KANGGRIGIESHAN​—TU DI SISTA DEM WE DEM OZBAN DED AN DI PIKNI DEM WE NA’AV NO FAADA, AN DEN ANSA DEM KWESTIYAN YA:

• 

  Wa di breda an sista dem did du fi mek Sista Myint si se dem lov ar?

• 

  Kaaz di breda an sista dem did shuo se dem lov Sista Myint an ar fambili, ou dat did big op Jeuova iina di komyuuniti?

• 

  Kaaz a di lov we di breda an sista dem shuo, wa it du fi Sista Myint daata dem?

Wa a som a di sitn dem we yu kyan du fi mek di sista dem iina yu kanggrigieshan si se yu lov dem an kier bout dem?