Yuuz Di Sitn Dem We Wi Av Fi Sorch Wen Wi A Stodi

Jeuova gi wi som sitn we wi kyan yuuz fi tiich piipl gud, laik di vidiyo dem, di liiflet dem, di buk an pamplet dem, an di mien wan, di Baibl. (2Ti 3:16) Im gi wi tingz we wi kyan yuuz wen wi a stodi so wi kyan tiich ada piipl wa di Baibl a se. Si som a dem ya: Watchtower Library, di JW Library^® ap, di Wachtowa LAIBRI PANLAIN™, an di Research Guide for Jehovah’s Witnesses.

Wen yu yuuz aal a di sitn dem we Jeuova gi yu fi sorch an nuo muor bout im, it a-go mek yu api. Mek shuor se yu tiich di piipl dem we yu a stodi wid ou fi yuuz di sitn dem we wi av fi sorch wen wi a stodi. It a-go mek dem api tu wen dem get fi sorch an fain di ansa fi di kwestiyan dem we dem av bout di Baibl.

WACH DI VIDIYO TEK DI ELP WE JEUOVA A GI AN FIIL DI JAI WE KOM WEN YU ELP SUMADI FI KOM SORV IM​—TINGZ WE WI FI YUUZ FI SORCH WEN WI A STODI, AN DEN ANSA DEM KWESTIYAN YA:

• 

  Wa Julie did a se bout di ting dem we Gad mek?

• 

  We Neeta did fain som sitn we shi kuda yuuz fi elp Julie?

• 

  Ou shi did get fi pik sitn we shi kuda yuuz fi ansa Julie kwestiyan?

• Ou Neeta did fiil wen shi yuuz di tingz we wi kyan yuuz fi sorch wen wi a stodi?