Tek Di Elp We Jeuova Gi Yu Wen Yu Prie Tu Im

Wen yu tiich sumadi sitn bout Jeuova, it komiin laik ya’a plaant wan siid iina dem aat, bot a Jeuova mek da siid de gruo. (1Kor 3:6-9) So ef wi waahn fi priich tu piipl an tiich dem gud, wi afi mek shuor se wi a aks Jeuova fi elp wi an fi elp di piipl dem we wi a stodi di Baibl wid tu.

Aks Jeuova fi elp di sumadi dem we ya’a stodi wid fi eng aan an fi nuo wa fi du wen dem av prablem iina dem laif. (Fil 1:9, 10) Tel Jeuova wa yu waahn an prie fi im yuuz im uoli spirit fi mek yu nuo wa fi du an ou yu fi tingk. (Lu 11:13) Elp di sumadi dem we yu a stodi wid fi si wa mek dem fi prie, an shuo dem ou dem fi dwi’it. Prie wid dem an prie fi dem, an wen yu a dwi’it, kaal dem niem tu.

WACH DI VIDIYO TEK DI ELP WE JEUOVA A GI AN FIIL DI JAI WE KOM WEN YU ELP SUMADI FI KOM SORV IM​—PRIEYA, AN DEN ANSA DEM KWESTIYAN YA:

• Wa’a di prablem we Neeta did av wen shi did a stodi wid Julie?

• Ou 1 Korintiyan 3:6 elp Neeta?

• Wa did elp Neeta fi saat out di prablem we shi did av?