DI CHREZHA DEM WE DE IINA GAD WOD

Sorv Jeuova Wid Aal A Yu Aat

A fram Kieleb yong im a sorv Jeuova wid aal a im aat (Jos 14:7, 8)

Wen Kieleb did get sitn fi du we aad, im luk tu Jeuova fi elp im fi dwi’it (Jos 14:10-12; w04-E 12/1 12 ¶2)

Jeuova did bles Kieleb kaa im did a sorv im wid aal a im aat (Jos 14:13, 14; w06-E 10/1 18 ¶11)

Som Picha: Wan sista we op iina iej an a sorv Jeuova wid aal a ar aat a du wa shi kyan du iivn duo shi uol nou. 1. Shi a uol ar waakin tik an sidong an a prie. 2. Shi a du kyaat wok wid wan yong sista. 3. Shi a shuo som pikni iina ar kanggrigieshan som picha. 4. Shi av wan big sumail pan ar fies.

Kaa Kieleb du wa Jeuova se im fi du, Jeuova bles im fi’it an dis mek im chos iina Jeuova muor. Wen wi luk an si ou Jeuova ansa wi prieya dem ar ou im elp wi fi nuo wa wi fi du, dis gi wi di chrent fi gwaan sorv Jeuova wid aal a wi aat.—1Jan 5:14, 15.