Tiich Di Piipl Dem We Yu A Stodi Wid Fi Stodi Di Baibl Fi Demself

Fi sumadi we a stodi di Baibl fi get fi nuo an lov Jeuova, an fi staat du di sitn dem we im waahn dem fi du, dem afi nuo muor dan jos di sitn dem we wi tiich dem. (Mt 5:3; Iib 5:12–6:2) So, dem afi lorn ou fi stodi di Baibl fi demself.

Fram yu dis staat stodi wid sumadi, shuo dem ou dem kyan riid op bout di sitn dem we unu a-go taak bout bifuo yu du di Baibl stodi. (mwb18.03-E 6) Elp dem fi si se dem fi aalwiez prie bifuo dem du dem uona Baibl stodi. Shuo dem ou dem kyan yuuz di sitn dem we wi av panlain wen dem a stodi. An shuo dem ou dem kyan nuo wen di nyuu sitn dem kom pan jw.org an JW Braadkyaastin^®. Plos, elp dem fi si se dem fi riid di Baibl evri die; dem fi pripier bifuo dem kom a di miitn dem, an shuo dem ou dem kyan fain di ansa dem iina wi buk an ada tingz fi di kwestiyan dem we dem mait-a av. An yu fi elp dem fi si se dem fi tek di taim fi tingk bout di sitn dem we dem a lorn.

WACH DI VIDIYO ELP DI PIIPL DEM WE YU A STODI DI BAIBL WID FI STODI DI BAIBL FI DEMSELF, AN DEN ANSA DEM KWESTIYAN YA:

• 

  Ou Neeta did elp Julie fi si se wen shi a stodi a no jos fi fain di ansa dem we rait?

• 

  Wa did elp Julie fi si se wen Jeuova se wi no fi miks op iina no kain-a seks sin, a di rait ting im a tel wi?

• 

  Julie did tek di taim fi tingk bout wa shi did a lorn, wa shi did get fi si wen shi du dat?