Tingz We Yu Kyan Du Bifuo An Afta Di Laad Sopa

Evri ier wi luk faawod fi go a di Laad Sopa. Wi yuuz di wiik dem bifuo an afta di Laad Sopa fi priez Jeuova an gi im tangks fi sen im son kom ded fi wi. (Ifii 1:3, 7) Wan wie wi du dat, a fi wok aad fi invait ada piipl fi kom a di Laad Sopa. Som a wi breda an sista dem chienj op tingz so dat dem kyan agzilari paiyanier fi 30 ar 50 owa iina Maach ar Iepril. Yu wuda waahn fi du muo iina di priichin wok iina di taim wen di Laad Sopa a-go kip? Wa kyan elp yu fi du dat?

Nof a di taim tingz wok out beta wen wi plan op wa wi a-go du bifuo wi dwi’it. (Pr 21:5) Laik ou di Laad Sopa taim a kom op faas faas, a nou a di taim fi wi staat plan op wa wi a-go du. Tingk bout ou yu kyan du muor iina di priichin wok iina di taim wen di Laad Sopa a-go kip. An wa an wa yu afi du fi mek shuor se it apm. Den beg Jeuova fi bles wa yu a-go du.​—1Jan 5:14, 15.

Yu kyan tingk bout som tingz we yu kyan du fi du muo iina di priichin wok iina di taim wen di Laad Sopa a-go kip?