Wa A Som Tingz We Yu Kyan Du Iina Di Nyuu Sorvis Ier?

Wen wi wok aad fi du muor fi Jeuova an wi yuuz op wi taim an wi chrent fi dwi’it, dat wi mek wi jraa niera tu Jeuova, mek im api, an wi wi get wol iip a blesn tu. (1Ti 4:15) Kaa tingz aalwiez a chienj op iina wi laif, wi mait-a afi tingk bout di sitn dem we wi did plan fi du fi Jeuova an chienj op som a dem. Laik wi mait-a si se sitn we wi waahn fi du wi naa go get fi du dat, ar wi mait-a get fi du sitn we wi did waahn fi du aredi an nou wi kyan du sitn els fi Jeuova.

Nou a wan gud taim fi tingk bout wa wi kyan du bifuo di nyuu sorvis ier staat. It wuda gud ef yu an yu fambili taak bout dis wen unu a du unu fambili Baibl stodi. Unu kyan plan som tingz we di wol a unu kyan du tugeda an som tingz we unu kyan du fi unu uona self.

Wen yu luk pan dem sitn ya, wa an wa yu wuda waahn fi du an wa yu plan fi du fi mek shuor se yu du dem?