DIS A OU AAL UU A FALA JIIZAS FI LIV
Di Sitn Dem We Wi Tingk Bout Wi Shuo Ef Wi A Liv Op An A Du Wa Rait
A no jos di sitn dem we wi se ar di sitn dem we wi du a-go shuo ef wi a liv op an a du wa rait, bot a di sitn dem we wi tingk bout tu. (Ps 19:14) An a dat mek di Baibl se wi fi tingk bout di sitn dem we wi kyan rispek, di sitn dem we rait, di sitn dem we gud an kliin, di sitn dem we piipl kyan fiil gud bout an taak bout, an di sitn dem we fit fi get big op. (Fil 4:8) Som a di taim, wan an tuu bad tingz mait-a kom op iina wi main, bot wi afi lorn ou fi kanchuol wiself so dat wi tap tingk bout di bad sitn dem an tingk bout tingz we gud. Wen wi tingk bout di gud sitn dem, a dat a-go elp wi fi liv op an du wa rait. —Mk 7:21-23.
Luk pan dem skripcha ya an rait dong di sitn dem we wi no fi a tingk bout: