Muo An Muo Tiinieja No Api An Naa Tingk Chriet Kaaz A Tingz We A Schres Dem Out Bad—Wa Di Baibl Av Fi Se Bout Dis?

Pan Monde, Febiweri 13, 2023, di Centers for Disease Control and Prevention (CDC) we de Merika, le’go wan ripuot bout ou di tiinieja dem we de Merika schres out. Azkaadn tu di ripuot, outa evri 10 yong sumadi we de a ai skuul, roun 4 a dem aalwiez sad an fiil laik se laif no wot notn tu dem.

“Dakta Kathleen Ethier, uu a wan tap sumadi iina di Division of Adolescent and School Health (DASH) we a paat a di CDC, se dis: “Wi nuo se fi muo dan 10 ier ya nou wi a si se tingz a get wos an wosara wen it kom aan tu ou di yong piipl dem schres out bad. Bot tingz riili set a wie wid di gyal pikni dem we a tiinieja kaaz a di fos wi a si se so moch a dem schres out so an so moch a dem a tingk bout fi kil demself ar a du tingz we shuo se dem waahn kil demself.”

Dem sitn ya did iina di ripuot:

• Outa 10 gyal pikni we a tiinieja, at liis 1 get riep. Dakta Ethier se: “It mek yu mout jrap a dot fi tingk se outa evri 10 a di gyal pikni dem we yu nuo, at liis wan a dem get riep.”

• At liis 1 outa 3 a di gyal pikni dem we a tiinieja did tingk bout fi kil demself.

• Outa 5 a di gyal pikni dem we a tiinieja, bout 3 a dem fiil sad bad muos a di taim ar fiil laik se laif no wot notn tu dem.

It pien wi aat fi ier dem ting ya, kaa wen yu yong a dem taim de laif fi swiit an a dem taim de yu fi api. So wa kyan elp di tiinieja dem fi diil wid di uol iip a schres dem? Wa di Baibl av fi se bout dis?

Tingz de iina di Baibl fi elp di tiinieja dem

Di Baibl mek wi nuo chriet op se a nof schres wi wuda afi diil wid iina dem taim ya. It se iina dem taim ya “tingz a-go get aad aad.” (2 Timoti 3:1-5) Bot di tingz we di Baibl tel wi kyan aalwiez elp wi no mata a wa taim wi liv iina, an tingz iina di Baibl we a elp uol iip a tiinieja aal uova di worl so dat dem kyan diil wid difrant difrant prablem. Chek out som a dem ting ya we bies aafa di Baibl.

• What if I Don’t Want to Live Anymore?

• I Want to Die—Can the Bible Help Me When I Have Suicidal Thoughts?

• Why Go On?

• How Can I Deal With Depression?

• How Can I Avoid Negative Thinking?

• How Can I Deal With Anxiety?

• How Can I Control My Emotions?

• Fram Sad tu Api (waitbuod kaatuun)

• What if I’m Being Bullied?

• What if I’m Being Cyberbullied?

• Beat a Bully Without Using Your Fists (waitbuod kaatuun)

• How Can I Deal With Sexual Harassment?

• What Should I Know About Sexual Assault?—Part 1: Precautions

• What Should I Know About Sexual Assault?—Part 2: Recovery

Tingz iina di Baibl we di mada an faada dem kyan yuuz

Di mada an di faada dem kyan fain tingz iina di Baibl we dem kyan yuuz fi elp dem tiinieja dem fi diil wid di prablem. Chek out som a dem sitn ya we bies aafa di Baibl.

• Teen Depression—Why? What Can Help?

• When Your Teenage Daughter Is Stressed Out

• What if My Child Is Being Bullied?

• When Your Teenager Self-Injures

• Children and Social Media—Part 1: Should My Child Use Social Media?

• Children and Social Media—Part 2: Teaching Your Teenager Social Media Safety

• Children and Smartphones—Part 1: Should My Child Have a Smartphone?

• Children and Smartphones—Part 2: Teaching Children Smartphone Sense

• How to Talk to Your Teen About Sexting