Wa Gad Govament A-Go Du So Dat Nobadi No Get Sik Agen?

“Iivn duo uol iip a piipl aal uova di worl naa ded fram KUOVID laik wan taim, dat no miin tu se KUOVID a no stil wan prablem. . . An wan ting we wi nuo fi shuor a dat wan taim a-go kom wen som ada kain-a siknis gweehn pred aal uova di worl an wi afi redi op wiself fi dat.”—Dr. Tedros Adhanom Ghebreyesus, di man we inchaaj a di World Health Organization, Mie 22, 2023.

Kaaz a KUOVID, uol iip a piipl stil no fiil gud iina dem main an badi. Yu tingk se ef wan neda bad siknis fi pred aal uova di worl, di govament dem an di aspital an dem plies de wuda redi fi diil wid it? Plos fi diil wid di bag a siknis we piipl av ya nou?

Di Baibl mek wi nuo se yu av wan govament we a-go tek kier a wi an mek shuor se wi aarait. It tel wi se “di Gad we de a evn a-go set op fi’im King fi ruul fi’im govament.” (Daniyel 2:44) Wen Gad govament a ron tingz, ‘nobadi naa go se: ‘Mi sik.’’ (Aizaiya 33:24) Evribadi a-go aati an dem a-go chrang bad, jos laik wen dem did yong.—Juob 33:25.