A Uu Wi Kyan Put Wi Chos Iina?​—⁠Wa Di Baibl Av Fi Se Bout Dis?

Nof piipl fed op kaa di piipl dem we dem tingk se dem kuda chos, dem fain out se dem kyaahn chos dem. An kaaz a dat nof piipl tap put dem chos iina . . .

• di palitishan dem we onggl bizniz bout demself an no kier bout nobadi els.

• TV nyuuz an so we kyari nyuuz we no go so som a di taim.

• di saiyantis dem uu naa du tingz fi shuo se dem kier bout piipl.

• di choch liida dem we miks op iina palitiks an naa shuo se a Gad dem a bak.

Piipl av evri rait fi a tingk bout a uu dem kyan put dem chos iina. Di Baibl did waan wi se:

• “No chos iina no ruula fi siev yu an no luk tu no ada man fi du dat niida kaa im na’av di powa fi siev yu.”—Saam 146:3.

Sumadi we yu kyan put yu chos iina

 Di Baibl mek wi nuo se wi kyan put wi chos iina Jiizas Krais. Im neehn dis wan gud man we liv uol iip a ier ago, bot Gad pik Jiizas fi ton king iina Im Kindom “an im a-go ruul fi eva an eva.” (Luuk 1:32, 33) Da Kindom govament de a ruul rait ya nou fram evn.​—Matyu 6:10.

• Fi nuo wa mek yu kyan put yu chos iina Jiizas, riid dem ya: “Uu A Di King We A Ruul Iina Gad Kindom?” an “Wa Gad Kindom A-Go Du Fi Wi?”